________________ 16 अन्तगडदसासु [४६सोमा नाम दारिया होत्था सूमाला जाव सुरूवा, रूवेणं जाव लावण्णेणं उकिट्ठा उक्किट्ठसरीरा यावि होत्था / तए णं सा सोमा दारिया अन्नया कयाइ ण्हाया जाव विभूसिया बहूहिं खुजाहिं जाव परिक्खित्ता सयाओ गिहाओ पडिनिक्खमइ, 2 जेणेव रायमग्गे तेणेव उवागच्छइ, 2 रायमग्गंसि कणगतिंदूसएणं कीलमाणी चिट्ठइ // 46 // तेणं कालेणं 2 अरहा अरिटुनेमी समोसढे, परिसा . निग्गया // 47 // तए णं से कण्हे वासुदेवे इमीसे कहाए लट्टे समाणे ण्हाए जाव विभूसिए गयसुकुमालेणं कुमारेणं सद्धिं हत्थिखन्धवरगए सकोरेण्टमल्लदामेणं छत्तेणं धरिजमाणेणं सेयवरचामराहिं उद्धव्वमाणीहिं वारवईए नयरीए मज्झंमज्झेणं अरहओ अरिटुनमिस्स पायवन्दए निग्गच्छमाणे सोमं दारियं पासइ / 2 सोमाए दारियाए रूवेण य जोवणेण य लावण्णेण य विम्हिए // 48 // तए णं कण्हे. वासुदेवे कोडुम्बियपुरिसे सद्दावेइ, 2 एवं वयासी-" गच्छह णं तुब्भे, देवाणुप्पिया, सोमिलं माहणं जाइत्ता सोमं दारियं गेण्हह, 2 कन्नन्तेउरंसि पक्खिवह / तए णं एसा गयसुकुमालस्स कुमारस्स भारिया भविस्सइ"। तए णं कोडुम्बिय जाव पक्खिवन्ति // 49 // तए णं से कण्हे वासुदेवे बारवईए नयरीए मज्झमज्झेणं निग्गच्छइ / 2 जेणेव सहसम्बवणे उजाणे जाव पज्जुवासइ। तए णं अरहा अरिटुनेमी कण्हस्स वासुदेवस्स गयसुकुमालस्स कुमारस्स तीसे य...धम्मकहा...कण्हे पडिगए॥५०॥ तएणं से गयसुकुमाले अरहओअरिटुनोमिस्स अन्तियं धम्म
