________________ 53] तइयो वग्गो सोच्चा, जं नवरं, अम्मापियरं आपुच्छामि, जहा मेहो महेलियावजं जाव वड्डियकुले / तए णं से कण्हे वासुदेवे इमीस कहाए लट्ठ समाणे जेणेव गयसुकुमाले तेणेव उवागच्छइ, 2 गयसुकुमालं आलिङ्गइ,२ उच्छङ्गे निवेसेइ.२ एवं वयासी" तुमं ममं सहोयरे कणीयसे भाया / तं मा णं इयाणि अरहो...मुण्डे जाव पन्वयाहि / अहं गं बारवईए नयरीए महया 2 रायाभिसेएणं अभिसिञ्चिस्सामि" / तए णं से गयसुकुमाले कण्हेणं वासुदेवेणं एवं वुत्ते समाणे तुसिणीए संचिट्ठइ // 51 // ___तए णं से गयसुकुमाले कण्हं वासुदेवं अम्मापियरो य दोच्चं पि तच्चं पि एवं वयासी-“एवं खलु, देवाणुप्पिया, माणुस्सया कामा खेलासवा जाव विप्पजहियव्वा भविस्सन्ति / तं इच्छामि णं, देवाणुप्पिया, तुब्भेहिं अब्भणुनाए अरहओ अरिट्टनेमिस्स अन्तिए जाव पव्वइत्तए" // 52 // तए णं तं गयसुकुमालं कण्हे वासुदेवे अम्मापियरो य जाहे नो संचाएन्ति बहुयाहिं अणुलोमाहिं जाव आघवित्तए, ताहे अकामाई चेव एवं वयासी-"तं इच्छामो णं ते, जाया, एगदिवसमपि रजसिरिं पासित्तए"। निक्खमणं जहा महाबलस्स, जाव तमाणाए तहा तहा जाव संजमित्तए / से गयसुकुमारे अणगारे जाए इरियासमिए जाव गुत्तबम्भयारी // 53 // तए णं से गयसुकुमारे जं चेव दिवसं पव्वइए तस्सेव दिवसस्स पुव्वावरण्हकालसमयंसि जेणेव अरहा अरिट्ठनेमी तेणेव उवागच्छइ, 2 अरहं अरिट्टनेमि तिक्खुत्तो आयाहिण
