________________ तइयो वग्गो इस्सइ" / कण्हं वासुदेवं दोच्चं पि तञ्चं पि एवं वयइ, 2 जामेव दिसिं पाउन्भूए तामेव दिसि पडिगए // 42 // तए णं से कण्हे वासुदेवे पोसहसालाओ पडिनिक्खमइ, 2 जेणेव देवई देवी तेणेव उवागच्छइ, 2 देवईए देवीए पायग्गहणं करेइ, 2" एवं वयासी-"होहिइ णं, अम्मो, मम सहोयरे कणीयसे भाउए” त्ति कट्ट देवइं देविं ताहिं इट्ठाहिं जाव आसासेइ, 2 जामेव दिसिं पाउब्भूए तामेव दिसिं पडिगए // 43 // तए णं सा देवई देवी अन्नया कयाइ तंसि तारिसगंसि जाव सीहं सुमिणे पासित्ताणं पडिबुद्धा, जाव पाढया... हट्टहियया...परिवहइ // 44 // तए णं सा देवई देवी नवण्हं मासाणं...जासुमिणारत्तबन्धुजीवयलक्खारससरसंपारिजायगतरुणदिवाकरसमप्पभं सव्वनयणकन्तं सुउमालं जाव सुरूवं गयतालुयसमाणं दारयं पयाया। जम्मणं जहा मेहकुमारे, जाव "जम्हा णं अम्हं इमे दारए गयतालुसमाणे, तं होउ णं अम्हं एयस्स दारगस्स नामधेजे गयसुकुमाले 2" / तए णं तस्स दारगस्स अम्मापियरो नामं करेन्ति ‘गयसुकुमाले ' त्ति / सेसं जहा मेहे जाव अलंभोगसमत्थे जाए यावि होत्था // 45 // तत्थ णं बारवईए नयरीए सोमिले नामं माहणे परिवसइ अड्डे रिउव्वेय' जाव सुपरिनिट्टिए यावि होत्था / तस्स सोमिलमाहणस्स सोमसिरी नामं माहणी होत्था सूमाल° ... / तस्स णं सोमिलस्स धूया सोमसिरीए माहणीए अत्तया 1Mss read indiscriminately गयसूमाल andगयसुकुमार.
