________________ 39] तइयो वग्गो तए णं सा देवई देवी अरहओ अरिटुनेमिस्स अन्तिए एयमढें सोचा निसम्म हट्टतुट्ठ जाव 'हियया अरहं अरिट्ठनोमि वन्दइ नमसइ, 2 जेणेव ते छ अणगारा तेणेव उवागच्छइ, 2 ते छ प्पि अणगारे वन्दइ नमसइ, 2 आगयपण्हया पप्फुयलोयणा कञ्चयपरिक्खित्तया दरियवलयवाहा धाराहयकलम्बपुप्फगं पिव समूससियरोमकूवा ते छ प्पि अणगारे अणिमिसाए दिट्ठीए पेहमाणी 2 सुचिरं निरिक्खइ, 2 वन्दइ नमसइ। 2 जेणेव अरहा अरिट्ठनेमी तेणेव उवागच्छइ, 2 अरहं अरिटुनेमि तिक्खुत्तो आयाहिणं पयाहिणं करेइ, 2 वन्दइ नमसइ / 2 तमेव धम्मियं जाणं दुरुहइ / 2 जणेव बारवई नयरी तेणेव उवागच्छइ, 2 बारवई नयरिं अणुप्पविसइ, 2 जेणेव सए गिहे, जेणेव बाहिरिया उवट्ठाणसाला, तेणेव उवागच्छइ / 2 धम्मियाओ जाणप्पवराओ पच्चोरुहइ / 2 जेणेव सए वासघरे, जेणेव सए सयणिजे, तेणेव उवागच्छइ / 2 सयंसि सयणिजंसि निसीयइ // 39 // तए णं तसेि देवईर देवीए अयं अव्भत्थिए 4 समुप्पन्ने“ एवं खलु अहं सरिसए जाव नलकुब्बरसमाणे सत्त पुत्ते पयाया, नो चेव णं मए एगस्स वि वालत्तणए समुभूए। एस वि य णं कण्हे वासुदेवे छण्हं छण्हं मासाणं ममं अन्तियं पायवन्दए हव्वमागच्छइ / तं धन्नाओ णं ताओ अम्मयाओ जासिं मन्ने नियगकुच्छिसंभूयाइं थणदुद्धलुद्धयाई महुरसमुलावयाई मम्मणप्पजम्पियाई थणमूलकक्खदेसभागं अभिसरमाणाई मुद्धयाई पुणो पुणो य कोमलकमलोवमेहिं हत्थेहिं गिहिऊण उच्छङ्गनिवेसियाइं देन्ति समुल्लावए सुमहुरे पुणो पुणो मञ्जुलप्पणिए / अहं णं अधन्ना अपुण्णा अकयपुण्णा
