________________ [38 12 अन्तगडदसासु चेव जाव निग्गच्छसि, 2 जेणेव ममं अन्तियं तेणेव हव्वमागया। से नूणं, देवई, अटेसमटे ?" “हन्ता अत्थि" "एवं खलु, देवाणुप्पिए। तेणं कालेणं 2 भद्दिलपुरे नयरे नागे नाम गाहावई परिवसइ अड्डे...। तस्स णं नागस्स गाहावइस्स सुलसा नाम भारिया होत्था / सा सुलसा गाहावइणी बालत्तणे चव नेमित्तिएणं वागरिया-एस णं दारिया निन्दू भविस्सइ'। तए णं सा सुलसा बालप्पभिई चेव हरिणेगमेसीभत्तया यावि होत्था। हरिणेगमेसिस्स पडिमं करेइ, २कल्लाकल्लिं ण्हाया जाव, पायच्छित्ता उल्लपडसाडया महरिहं पुप्फच्चणं करेइ / 2 जन्नुपायपडिया पणामं करेइ / तओ पच्छा आहारेइ वा नीहारेइ वा वरइ वा। तए णं तीसे सुलसाए गाहावइणीए भत्तिबहुमाणसुस्सूसाए हरिणेगमेसी देवे आराहिए यावि होत्था / तए णं से हरिणेगमेसी देवे सुलसाए गाहावइणीए अणुकम्पणट्टयाए सुलसं गाहावइणिं तुमं च दो वि समउउयाओ करेइ / तए णं तुब्भे दो वि सममेव गब्भे गिण्हह, सममेव गब्भे परिवहह, सममेव दारए पयायह / तए णं सा सुलसा गाहावइणी विणिहायमावन्ने दारए पयायइ / तए णं से हरिणेगमेसी देवे सुलसाए अणुकम्पणट्ठाए विणिहायमावन्नए दारए करयलसंपुडेण गिण्हइ, 2 तव अन्तियं साहरइ / तं समयं च णं तुमं पि नवण्हं मासाणं...सुकुमालदारए पसवसि / जे वि य णं, देवाणुप्पिए, तव पुत्ता, ते वि य तव अन्तियाओ करयलसंपुडेणं गिण्हइ, 2 सुलसाए गाहावइणीए अन्तिए साहरइ / तं तव चेव णं, देवई, एए पुत्ता, नो चेव सुलसाए गाहावइणीए" // 38 //
