________________ 31] तइयो वग्गो उक्खेवओ // 3 // 8 // तेणं कालेणं 2 बारवईए नयरीए, जहा पढमे जाव अरहा अरिट्ठनेमी सामी समोसढे // 28 // तेणं कालेणं 2 अरहओ अरिटुनोमस्स अन्तेवासी छ अणगारा भायरो सहोयरा होत्था, सरिसया सरित्तया सरिव्वया नीलुप्पलगुलियअयसिकुसुमप्पगासा सिरिवच्छकियवच्छा कुसुमकुण्डलभद्दलया नलकुब्बरसमाणा // 29 // तए णं ते छ अणगारा जं चेव दिवसं मुण्डा भवित्ता अगाराओ अणगारियं पव्वइया, तं चेव दिवसं अरहं अरिट्ठनेमि वन्दन्ति नमंसन्ति, 2 एवं वयासी-"इच्छामो णं, भन्ते, तुब्भेहिं अब्भणुन्नाया समाणा जावजीवाए छटुंछट्टेणं अणिक्खित्तेणं तवकम्मसंजमेणं तवसा अप्पाणं भावेमाणे विहरित्तए"। “अहासुहं, देवाणुप्पिया, मा पडिबन्धं..."। तए णं ते छ अंणगारा अरहया अरिट्टनेभिणा अब्भणुन्नाया समाणा जावजीवाए छटुंछट्टेणं जाव विहरन्ति // 30 // तए णं छ अणगारा अन्नया कयाइ छट्ठक्खमणपारणगंसि पढमाए पोरिसीए सज्झायं करेन्ति, जहा गोयमो, जाव " इच्छामो णं छट्टक्खमणस्स पारणए तुम्भेहिं अब्भणुन्नाया समाणा तिहिं संघाडएहिं बारवईए नयरीए जाव अडित्तए"। "अहासुहं..." // 31 // तए णं ते छ अणगारा अरहया अरिट्टनेमिणा अब्भणुनाया समाणा अरहं अरिट्टनेमि वन्दन्ति नमंसन्ति, 2 अरहओ अरिट्टनेमिस्स अन्तियाओ सहसम्बवणाओ पडिनिक्खमन्ति, 2 तिहिं संघाडएहिं अतुरियं जाव अडन्ति / तत्थ
