________________ 12] पढमो वग्गो रायसाहस्सीणं, रुप्पिणिपामोक्खाणं सोलसण्हं देवीसाहस्सीणं, अणङ्गसेणापामोक्खाणं अणेगाणं गणियासाहस्सीणं अन्नेसिं च बहूणं ईसर जाव सत्थवाहाणं बारवईए नयरीए अद्धभरहस्स य समत्थस्स आहेवच्चं जाव विहरइ // 7 // तत्थ णं बारवईए नयरीए अन्धगवण्ही नामं राया परिवसइ, महया हिमवन्त...... वण्णओ। तस्स णं अन्धगवण्हिस्स रन्नो धारिणी नामं देवी होत्था / वण्णओ // 8 // तए णं सा धारिणी देवी अन्नया कयाइ तंसि तारिसगंसि सयणिजंसि... / एवं जहा महाबले सुमिणहंसणकहणा जम्मं बालत्तणं कलाओ य / जोवण पाणिग्गहणं कन्ता पासाय भोगा य॥१॥ नवरं गोयमो नामेणं / ... अट्टण्हं रायवरकन्नगाणं एगदिवसेणं पाणिं गेण्हावेन्ति / अट्ठओ दाओ॥९॥ तेणं कालेणं 2 अरहा अरिटुनेमी आइगरे जाव विहरइ / चउव्विहा देवा आगया / कण्हे वि निग्गए // 10 // तए णं तस्स गोयमस्स कुमारस्स...... / जहा मेहे तहा निग्गए / धम्म सोच्चा...... / जं नवरं, "देवाणुप्पिया, अम्मापियरे आपुच्छामि, तए णं अहं देवाणुप्पियाणं......"। एवं जहा मेहे जाव अणगारे जाए, जाव इणमेव निग्गन्थं पावयणं पुरओ काउं विहरइ // 11 // तए णं से गोयमे अन्नया कयाइ अरहओ अरिट्टनेमिस्स तहारूवाणं थेराणं अन्तिए सामाइयमाइयाई एक्कारस अगाई अहिजइ / 2 बहूहिं चउत्थ° जाव विहरइ // 12 // तए णं अरहा अरिटुनेमी अन्नया कयाइ बारवईओ नन्दणवणाओ पडिनिक्खमइ / 2 बहिया जणवयविहारं विहरइ /
