________________ अन्तगडदसासु गोयम समुद्द सागर गम्भीरे चेव होइ थिमिए य / अयले कम्पिल्ले खलु अक्खोभ पसेणई वण्ही // 1 // " जइ णं, भन्ते, समणेणं जाव संपत्तेणं अट्ठमस्स अङ्गस्स अन्तगडदसाणं पढमस्स वग्गस्स दस अज्झयणा पन्नत्ता, पढमस्स णं, भन्ते, अज्झयणस्स अन्तगडदसाणं समजेणं जाव संपत्तेणं के अटे पन्नत्ते?" "एवं खलु, जम्बू" // 4 // . तेणं कालेणं 2 बारवई नाम नयरी होत्था दुवालसजोयणायामा नवजोयणवित्थिण्णा धणवइमइनिम्माया चामीकरपागारा नाणामणिपश्चवण्णकविसीसगमण्डिया सुरम्मा अलकापुरिसंकासा पमुइयपक्कीलिया पञ्चक्खं देवलोगभूया. पासादीया 4 // 5 // तीसे णं बारवईनयरीए बहिया उत्तरपुरस्थिमे दिसीभाए. एत्थ णं रेवयए नामं पवए होत्था / तत्थ णं रेवयए पव्वए नन्दणवणे नामं उजाणे होत्था। वण्णओ / सुरप्पिए नामं जक्खाययणे होत्था पोराणे......। से णं एगेणं वणसण्डेणं ...... / असोगवरपायवे // 6 // तत्थ णं बारवईनयरीए कण्हे नामं वासुदेवे राया परिवसइ महया...... / रायवण्णओ। से णं तत्थ समुद्दविजयपामोक्खाणं दसण्हं दसाराणं, बलदेवपामोक्खाणं पञ्चण्हं महावीराणं, पजुन्नपामोक्खाणं अछुट्टाणं कुमारकोडीणं, सम्बपामोक्खाणं सट्ठीए दुद्दन्तसाहस्साणं, महसेणपामोक्खाणं छप्पन्नाए बलवगसाहस्सीणं, वीरसेणपामोक्खाणं एगवीसाए वीरसाहस्सीणं, उग्गसेणपामोक्खाणं सोलसहं 1 Bp. विण्हू.
