Page Text
________________ 228 नयामृततरङ्गिणी-तरङ्गिणीतरणिभ्यां समलईतो नयोपदेशः / प्राचीननैयायिकानामर्धजरतीयमपि निरस्तम् , उभयत्रापि योगक्षेमतौल्यादिति दिक् / ऋजुस्त्र:-ऋजुसूत्रनयः, खे-आकाशे, स्वस्यावगाहनकृत्सु प्रदेशेषु वसतिं ब्रूते-येष्वाकाशप्रदेशेषु देवदत्तोऽवगाढस्तेष्वेवायं तद्वासमभ्युपैति, संस्तारके तद्वसत्यभ्युपगमे तु गृहकोणादावपि तदुपगमप्रसङ्गः, संस्तारकावच्छिन्नव्योमप्रदेशेषु संस्तारक एवावगाढो न तु देवदत्तोऽपीति न तेष्वपि तद्वसतिभणनमुपपद्यते इति स्वावगाहनपर्यन्तानुधावनम् , संस्तारक-गृहकोणादौ देवदत्तवसतिव्यवहारस्तु प्रत्यासत्तिदोषोद्धान्तिमूलक एवेत्येतदभिप्रायः // 71 // तत्रापि विशेषमाह तेष्वप्यभीष्टसमये न पुनः समयान्तरे। चलोपकरणत्वेनान्यान्यक्षेत्रावगाहनात् // 72 // नयामृत० तेष्वपीति / तेष्वपि-स्वावगाढेष्वाकाशप्रदेशेष्वपि, अभीष्टसमये-विवक्षितवर्तमान. काले, वसतिः, न पुनः समयान्तरे-भिन्नकाले, अतीतानागतयोः कालयोरेतन्मतेऽसत्त्वात् , तथा चलोपकरणत्वेन-वीर्यसंयोगसद्व्यतया करणचापल्येन, प्रतिसमयमन्यान्यक्षेत्रस्य -अपरापराकाशप्रदेशास्वीकारादित्यनेन देशावच्छेदेन देशवृत्तित्वस्य व्यवच्छेदः, तेन यावत्सु देशेषु कर्मणां सद्भावे देशिनि व्याप्यवृत्तिकर्मस्वीकारेऽपि न क्षतिः। अर्धजरतीयं यथा गोरर्धभागो नवीनोऽर्धभागश्च वृद्ध इत्येतदसम्भवदुक्तिकं तथा वृक्षे संयोगोऽव्याप्यवृत्तिर्न तु कर्मेत्यप्यसम्भवदुक्तिकमित्यभिमानमात्रम् , इत्थमप्यभ्युपगत निरस्तमित्यर्थः / उभयत्रापि संयोगे कर्मणि च / योगक्षेमतौल्यादिति-यादृशप्रतीत्या संयोगस्याव्याप्यवत्तित्वमुपपाद्यते तादृशप्रतीत्या कर्मणोऽप्यव्याप्यवृत्तित्वमुपपादयितुं शक्यमेव, एकत्र तथा प्रतीतिर्भवति, अन्यत्र न भवतीत्याग्रहविजम्भितमेव, देशदेशिनोरभेद एव, देशदेशिभावस्य कल्पितत्वादिति कर्मण इव संयोगस्यापि व्याप्यवृत्तित्वमेवास्थयमित्येवं युक्तिप्रपञ्चसाम्यादित्यर्थः / उत्तरार्द्ध विवृणोति-ऋजुसूत्र इति / फलितार्थमाह- येष्विति / तेष्वेव देवदत्तावगाढाकाशप्रदेशेष्वेव, अयम् ऋजुसूत्रनयः, तद्वासं देवदत्तावासम् , अभ्युपैति स्वोकरोति, स्वावगाढाकाशप्रदेशेष्वेव देवदत्तो वसति संस्तारकोपरीत्येवम् ऋजुसूत्रनयोऽभ्युपगच्छतीत्यर्थः / सङ्ग्रहाभ्युपगमं दूषयति-संस्तारक इति / तहसत्यभ्युपगमे देवदत्तवासाभ्युपगमे / तदुपगमप्रसङ्गः देवदत्तवसत्यभ्युपगमप्रसङ्गः / तेष्वपि संस्तारकावच्छिन्नव्योमप्रदेशेष्वपि / तद्वसतिभणनं देवदत्तवसतिवचनं देवदत्तः संस्तारकावच्छिन्नव्योमप्रदेशेषु वसतीत्येवंरूपम् / नन्वेवं देवदत्तः संस्तारकोपरि वसति गृहकोणे वसतीत्यादिव्यवहारोऽपि भवति स कथमुपपद्यत इत्यत आह-संस्तारक-गृहकोणादाविति-आदि पदाद् गृह-पाटलीपुत्रादिपरिग्रहः / “प्रत्यासत्तिदोषोद्धान्ति" इत्यस्य स्थाने. “प्रत्यासत्तिदोषाद् भ्रान्ति" इति पाठः सम्यग् , देवदत्तावगाढाकाशप्रदेशप्रत्यासत्तिः सन्निकृष्टतालक्षणा संस्तारके, तत्प्रत्यासत्तिर्गृहकोणे. तत्प्रत्यासत्तिर्गृहे, तत्प्रत्यासत्तिः पाटलीपुत्रादावित्येवं प्रत्यासत्तिपरम्परालक्षणो यो दोषस्तस्मात् , संस्तारकादौ या देवदत्तनिवासभ्रान्तिस्तन्मूलक एवतनिबन्धन एव संस्तारक-गृह-कोणादौ देवदत्तवसतिव्यवहार इति ऋजुसूत्रनयाभिप्राय इत्यर्थः // 7 // द्विसप्ततितमं पद्यमवतारयति-तत्रापीति-स्वावगाढाकाशप्रदेशेष्वपीत्यर्थः / विवृणोति-तेष्वपीति / तेष्वपीति मूलस्य विवरणं-स्वावगाढेष्वाकाशप्रदेशेष्वपीति। अभीष्टसमये इति मूलस्य विवरणं-विवक्षितवर्तमानकाल इति / वसतिरिति प्रकरणप्राप्तम् / समयान्तरे इति मूलस्य विवरणं-भिन्नकाले इति / कथं न समयान्तरे वसतिरित्याकाङ्खायामाह- अतीता-नागतयोरिति / एतन्मते ऋजुसूत्रनयमते / समयान्तरे वसत्यभाव एव हेतोरुपदर्शकमुत्तरार्द्ध व्याख्यानयति-तथेति / चलोपकरणत्वेनेति मूलस्य विवरणं-वीर्यसंयोगसव्यतया करणचापल्यनेति / "वीर्यसंयोगसदद्रव्यतया” इत्यस्य स्थाने "वीर्यसयोगसव्यतया" इति पाठो युक्तः, वीर्य-वीर्यान्तरायक्षयादिकृता शफिः, योगा।-मनःप्रभृतयः, सह योगैर्वतत इति सयोगः सन्ति-विद्यमानानि द्रव्याणि- तथाविधपुदूला यस्य जीवस्यासौ
| SR No. | 004344 |
| Book Title | Nayopdesh Part 02 Tarangini Tarni |
| Original Sutra Author | N/A |
| Author | Yashovijay Gani, Lavanyasuri |
| Publisher | Vijaylavanyasuri Gyanmandir |
| Publication Year | 1956 |
| Total Pages | 282 |
| Language | Sanskrit |
| Classification | Book_Devnagari |
| File Size | 9 MB |