Vairagyarati

SR No.: 004341
Original Sutra Author: N/A
Author: Ramnikvijay Gani
Publisher: Yashobharti Jain Prakashan Samiti
Publication Year: 1969
Total Pages: 316
Language: Sanskrit
Classification: Book_Devnagari
File Size: 8 MB

Page 92

ग्लो० 115-172] वैराग्यरतिः। सदागमेङ्गितं दृष्ट्वा पर्षद् दूरं गताऽथ सा / स्थितौ प्रज्ञाविशाला च भव्यश्च भगवद्गिरा // 145 // अथाऽगृहीतसङ्केतामुद्दिश्य स्फुटमब्रवीत् / संसारिजीवः पुरतश्चतुर्णामपि शृण्वताम् // 146 // अस्तीह लोके विख्यातमनादिसमयस्थिति / पुरमव्यवहाराख्यमनन्तजनसङ्कुलम् // 147 // तत्रानादिवनस्पतिनामानः कुलपुत्रकाः / वसन्त्याज्ञावशात् कर्मपरिणामस्य भूभुजः // 148 // महत्तमौ तीत्रमोहात्यन्ताबोधौ बलेऽस्य यौ। ताभ्यां तत्र नृपादेशात् सुप्तमत्ताः कृताः जनाः // 149 // न भाषन्ते न चेष्टन्ते छेदं भेदं न जानते / ते निगोदापवरकक्षिप्ताः सर्वे मृता इव // 150 // तत्र संसारिजीवोऽहं वास्तव्योऽभूवमादितैः / तो बलाधिकृतौ तत्रान्यदाऽऽस्थाने सुखं स्थितौ // 151 // तदा याता प्रतीहारी नाम्नाऽनादिविचित्रता / इति विज्ञपयामास प्रणम्य रचिताञ्जलिः // 152 // व्यवहारनियोगारव्यो दूतो द्वार्येष तिष्ठति / प्रेषितः सत्वरं कर्मपरिणामेन भूभुजा // 153 / / युवां प्रमाणमत्राथ प्रवेश्योऽयं मया न वा / ताभ्यामुक्तं प्रवेश्योऽसौ तयाऽप्याशु प्रवेशितः // 154 // तेनापि तौ नतौ भक्त्या ताभ्यां दापितमासनम् / उक्तं च सुखिनो देवाः किमर्थं प्रेषितो भवान् ? // 155 // स प्राह सुखिनो देवा निश्चिन्ता वोऽधिकारतः / यः पुनः प्रेषणे हेतुर्मम सोऽयं निगद्यते // 156 // जयत्यचिन्त्यमाहात्म्या लोकस्थितिरनश्वरी / भगिनी देवपादानां सात्रार्थेऽधिकृता च तैः // 157 // अस्यस्माकं सदा शत्रुर्दुरुच्छेदः सदागमः / हत्वा सोऽस्मबलं कांश्चिल्लोकान्नयति निर्वृतौ // 158 // एवं च विरलीभूते लोके सम्पत्स्यतेऽयशः / अस्माकं तत् त्वया कार्यमिदं लोकस्थितेऽनघे ! // 159 / / मद्भुक्तेर्यान्ति यावन्तः पुरादव्यवहारतः / तावन्त एव सञ्चार्यास्त्वयेत्थं न क्षतिर्भवेत् // 16 // महाप्रसाद इत्येवं सोऽधिकारोऽनया धृतः / सदागमेन दृष्टाश्च केचित् सम्प्रति मोचिताः // 161 // तावदानयनायेति प्रहितोऽयं तया जवात् / अहं च देवभृत्योऽपि बाढं तत्प्रतिबन्धभाक् // 162 // स्वीकृतं तद्वचस्ताभ्यां पूज्या भगवती हि सा / तस्यासंव्यवहारस्थलोकमानं च दर्शितम् // 163 // असंख्यगोलकगृहेष्वसंख्यास्तत्र वीक्षिताः / निगोदाख्यापवरकेष्वनन्ताश्च जनाः पृथक् // 164 // आहतुर्विस्मितं तं च दत्त्वा तौ करतालिकाम् / कां करिष्यति हानि भोः ! स्थिते ह्येव सदागमः 1 // 165 // एतावतापि कालेन ये सदागममोचिताः / एकापवरकस्यास्य भागेऽनन्ततमे हि ते // 166 // लोकनिपचिन्तेयं देवानां का तदुच्चकैः ? / दूतोऽवोचदिदं वक्ष्ये त्वरा कार्ये विधीयताम् // 167 // समजीवितमृत्यूनां प्रवाहादादिवर्जितात् / समकाऽऽहार-निर्हारोच्छ्वास-निःश्वासरागिणाम् // 168 // ततो निर्यास्यतां संख्यापूरणायासहाविमौ / चिन्ताव्याकुलितो जातौ परस्परमुखेक्षिणौ // 169 // ईतश्चास्ति भटः साक्षात् भार्या मे भवितव्यता / मन्त्रयन्तीति कर्त्तव्यं ममान्येषां च समनाम् // 170 // स्वेष्टमर्थ करोत्येषा 'कापि नाऽन्यमपेक्षते / तां परेऽप्यनुवर्तन्ते हेतवो यदुदाहृतम् // 171 // बुद्धिरुत्पद्यते तादृग् व्यवसायश्च तादृशः / सहायास्तादृशा ज्ञेया यादृशी भवितव्यता // 172 // . 1. अस्यात्यबोधसम्मोही महत्तमबलाग्रिमौ। सुप्तमत्तान् जनांस्तत्र निर्देशादस्य चक्रतुः // 150 // 2. तः। महत्तमबलाप्रण्यौ स्थितौ तौ सुखमन्यदा // 151 // 3. भ्यां मान्या भ //