Vairagyarati

SR No.: 004341
Original Sutra Author: N/A
Author: Ramnikvijay Gani
Publisher: Yashobharti Jain Prakashan Samiti
Publication Year: 1969
Total Pages: 316
Language: Sanskrit
Classification: Book_Devnagari
File Size: 8 MB

Page 234

प्रलो० 418-476 ] वैराग्यरतिः / 159 स्फुटीभविष्यति ततः शैलेशी नाम वर्तनी / निर्वृति नगरों सा त्वां प्रापयिष्यति निश्चितम् // 447 // औदासीन्यामुचस्तेऽसौ भावी व्यतिकरोऽखिलः / अन्यच्च भवता ग्राह्या समतायोगनालिका // 448 // पातनीया निजा दृष्टिस्तस्यामनुभवस्ततः / सर्वार्थविषयो भावी तेन युक्तं करिष्यसि // 449 // व्यापारः सर्वशास्त्राणां दिक्प्रदर्शन एव हि / पारं तु प्रापयत्येकोऽनुभवो भववारिधेः // 450 // पश्यतु ब्रह्मनिर्द्वन्द्वं निर्द्वन्द्वानुभव विना / कथं लिपिमयी दृष्टिाङमयी वा मनोमयी // 451 / / ततोऽनुभवसंसिद्धेरक्षरातीतमार्गगः / अक्षरातीतपदवी निर्वृति लप्स्यसे सुखम् / / 452 / / तत्रान्तरङ्गराज्यस्य फलभोक्ता भविष्यसि / सर्वकर्मोज्झितः सिद्धः सिद्धानन्तचतुष्टयः / / 453 / / राज्यप्रवेशादारभ्य वर्धमाना विभूतयः / भविष्यति न कर्त्तव्यस्तासु सङ्ग स्त्वयाऽनघ ? // 454 // पाल्याश्चारित्रधर्माद्याः स्मर्त्तव्यं वचनं मम / पदं क्रमेण दातव्यं नौत्सुक्येन विना क्रमम् // 455|| एवं ते भाविनी सिद्धिर्गच्छ राज्यं कुरुष्व तत् / परिश्रमो मे सफलः प्राप्ते राज्यफले त्वया // 456 / / यथा सिद्धान्तवचनमन्वतिष्ठदथोत्तमः / निनन् मोहचमूं सर्वा स्वराज्ये प्रविवेश च // 457 / / औदासीन्याभिधं मार्गममुश्चन्निवृतिं पुरीम् / गत्वा भुङ्क्ते स राज्यं स्वं शक्रचक्रधरस्ततः // 458 // चित्तवृत्तिमहाराज्यमेवमुत्तमभूभुजा / यत्कर्मपरिणामेन प्रदत्तं तत् सुपालितम् // 459 // ततस्तमपि जित्वाऽसौ सम्प्राप्तो निर्वृति पुरीम् / स्वार्थमात्रप्रसक्तानां स्नेहो न प्रतिबन्धकः // 460 // अथोत्तमोत्तमो राज्ये षष्ठवर्षे नियोजितः / विहितं घोषणं देशे डिण्डिमेन यथाक्रमम् // 461 // महामोहादयश्चौरास्ततो जाता मृता इव / चारित्रधर्मसैन्यं च पर्यालोचे दधौ मुदम् // 462 // महावर्धनकं जातं तद्देशेषु च भूरिषु / उत्तमस्येव सम्पन्नो वृत्तान्तोऽस्यापि चाखिलः // 463 // केवलं तेन नो पृष्टः सिद्धान्तो राज्यसाधनम् / सर्वा राज्यस्थितिस्तस्य विदिता स्वत एव हि // 464 // सौराज्यभाजा तेनोक्तः सिद्धान्तो गणधारिणाम् / उपकारीति तैरङ्गोपाङ्गरूपेण निर्मितः // 465 // अस्योपदेशः सिद्धान्तस्तेनायं नोपदेशकः / येनाध्वना स्वयं याति तमेवोपदिशत्यसौ // 466 // तं मार्गदेशकं सर्वे सेवन्ते नृसुरासुराः / अतिशेतेऽस्य बाह्याऽपि समृद्धिर्विश्वसम्पदम् // 467 // सौवर्णो राजतो रात्नश्चेत्येते तस्य निर्मलाः / भान्ति क्रीडाद्रयः साला विश्वत्रयजयश्रियाम् // 468 // अशोकपादपो भाति पुरस्तस्य स्फुरद्युतिः / सतामिव मनोदेहः सन्ततं रागमुद्गिरन् // 469 // पुष्पवृष्टिः पतत्युच्चैः पुरस्तस्य प्रसारिणी / तारालिरिव तद्वक्त्रचन्द्राराधनहेतवे / / 470 / / व्याप्नोति तद्ध्वनिर्दिव्यो भुवं योजनसम्मिताम् / विश्वरागजयोद्भूतविख्यातिस्फातिभाजनम् // 471 // राजते चामरश्रेणी तस्य विस्तारितेजसः / प्लवमाना प्रभापूरे हंसालिरिव निर्मला // 472 // सिंहासनानि राजन्ते चत्वारि चतुराकृतेः / प्रभोः कषायसिंहानां चतुर्णा दर्पहारिणः // 473 // मूर्ध्नि भामण्डलं तस्य ध्वस्तध्वान्तं विराजते / उदयाद्री प्रचण्डस्य मार्तण्डस्येव मण्डलम् // 474 // पुरस्तस्य ध्वनन् व्योम्नि दुन्दुभिर्देवताडितः / विधत्ते विश्वधर्मार्थिजनाह्वायकचेष्टितम् // 475 / / तस्य छत्रत्रयं भाति तापत्रयनिवारणात् / कीर्त्तित्रयमिवोद्भूतं विश्वत्रयहितैषिणः // 476 //