Vairagyarati

SR No.: 004341
Original Sutra Author: N/A
Author: Ramnikvijay Gani
Publisher: Yashobharti Jain Prakashan Samiti
Publication Year: 1969
Total Pages: 316
Language: Sanskrit
Classification: Book_Devnagari
File Size: 8 MB

Page 218

// षष्ठः सर्गः॥ अथास्त्यानन्दनगरं बहिरङ्गमनोहरम् / युक्तं सुपर्वभिलोकः पुरन्दरपुरोपमम् // 1 // तत्राऽस्ति केसरी भूपः प्रत्यर्थिद्विपदर्पहृत् / गुणरत्नदरी देवी तस्यास्ति जय सुन्दरी // 2 // अस्ति तन्नगराधारो वाणिजो हरिशेखरः / भार्या बन्धुमती तस्य सुवंशा गिरिभूरिव // 3 // रूपस्येव परं रूपं श्रियो मूर्त्तिरिवापरा / तस्या कुक्षावहं भद्रे ! भवितव्यतया धृतः // 4 // जातोऽहं पूर्णकालेन मित्राभ्यामन्वितस्तया / मुदितौ पितरौ ताभ्यां सुहृदौ मे न लक्षितौ // 5 // पितृभ्यां मे कृतं नाम यथाऽयं धनशेखरः / मित्राभ्यां सहितस्ताभ्यां जातोऽहं विलसन् सुखी // 6 // प्राप्तोऽहं यौवनं भद्रं स्मरसिंहवनं तदा / त्यक्त्वा धर्मकलामेकां गृहीताः सकलाः कलाः // 7 // तदा सम्पादितास्तेन सुहृदा सागरेण मे / वितताश्चित्तकल्लोलाः प्रक्षुब्धेन क्षणे क्षणे // 8 // धनमेव जगत्सारं श्लाघायाः कारणं धनम् / राजाद्या यद् विशिष्यन्ते तल्लोके धनजृम्भितम् // 9 // तपः-श्रत-वयोवृद्धा धनवृद्धस्य किङ्कराः / एका धनकला पूज्या तच्चान्द्रीवेश्वराश्रिता // 10 // यावन दृष्टा रत्नौधास्तावन्मे निर्वृतिः कुतः / गत्वादेशान्तरं कुर्यां तद् गृहं रत्नपूरितम् // 11 // ताताभ्यर्णमहं प्राप्तो विकल्पैरिस्थमाकुलः / उक्तं मयाऽनुजानीहि तात ! कर्तुं धनार्जनम् // 12 // गच्छाम्यहं विदेशेषु स्फोरयामि च पौरुषम् / पिता प्राह धनं तेऽस्ति दानभोगक्षमं बहु // 13 // तदेव त्वं नियुञ्जानः कुलप्राप्तं यथेच्छया / गृहे तिष्ठ वियोगं तु सोढुं शक्नोमि नो तव // 14 // मयोक्तं पूर्वपुरुषश्रीर्मातेवोपभुज्यते / स्तनधयेन यूनां तु तस्या भोगत्रपाकरः // 15 // तद् मदुत्साहभङ्गोरुभूतज्वरनिनीषया / महानियमवत् तात ! सोढव्या विरहव्यथा // 16 // दृढं ज्ञात्वाऽथ निर्बन्धं जगौ मां हरिशेखरः / वत्स ! सम्पूर्यतामिच्छा दूरे देशान्तरं परम् // 17 // विद्यन्ते कुटिला लोकाः कामिन्यो वञ्चनोद्यताः / भूयांसो दुर्जनाः स्तोकाः सजना वणिजः शठाः // 18 // भाण्डजातं च दुष्पाल्यं विकारि नवयौवनम् / निरागाः कुपिताश्चौरा दुर्बोधा कार्यपद्धतिः // 19 // क्वचिद् विज्ञेन मूर्खण क्वचित् कापि दयालुना / कचित् क्रूरेण धृष्टेन कचिद् भौतिभृता क्वचिद् // 20 // कृपणेन क्वचित् कापि त्यागिना बकवृत्तिना / कचित् कापि विदग्धेन भाव्यं तत् सुधिया त्वया // 21 // मयोक्तं गीः प्रमाणं मे तातस्येयं महोदया / कृतार्थो गृहमेष्यामि सत्त्वमात्रधनोऽप्यहम् // 22 // इत्युक्त्वा पितरौ नत्वा निर्गतो रुदतोस्तयोः / सार्धमान्तरमित्राभ्यामहं देशान्तरं प्रति // 23 // क्रमाज्जयपुरे प्राप्तो दक्षिणाम्भोधिपार्श्वगे / बहिर्वने निषण्णश्च प्रवृत्त इति चिन्तितुम् // 24 // उल्लङ्याब्धि चलद्वीचिं रत्नद्वीपे व्रजामि किम् / चण्डिकां वा स्वरुधिरैस्तर्पयित्वाऽर्थये धनम् // 25 // पातालं वा खनाम्युच्चैः शेषव्यापारवर्जितः / आनयाभ्यथवा गत्वा महाद्रौ रसकूपिकाम् // 26 //