Page Text
________________ // पञ्चमः सर्गः // अथास्ति स्वस्तिकलितं बहिरङ्गमनोहरम् / वर्धमानपुरं प्रौढैवर्धमानं महोत्सवैः // 1 // चारुलीलागतिर्यत्र सदानो विलसत्करः / जनवर्गो महाध्वानो धत्ते स्तम्बेरमश्रियम् / / 2 / / तत्र प्रत्यर्थिकान्ताश्रुधारासिक्तयशोद्रुमः / भूपोऽभूद् धवलो नाम भीमकान्तगुणाश्रयः // 3 // तस्याऽऽसीत् कमलाजैत्री देवी कमलसुन्दरी / तस्या गर्भे समुद्भूतः सुतोऽस्ति विमलाभिधः // 4 // बालकालेऽपि यः स्पृष्टो न धन्यो बालचेष्टितैः / महाहर्म्यस्थित इव प्रावृट्कालेऽपि कर्दमैः // 5 // तत्रैवाऽभूत् पुरे श्रेष्ठी सोमदेवो महाधनः / लावण्यनिलयस्तस्य भार्या कनकसुन्दरी // 6 // कुक्षौ प्रवेशितस्तस्या अहं पुण्योदयान्वितः / भवितव्यतया काले सा मां प्रासूत हर्षिणी // 7 // जातः पुत्रो मयेत्येषाऽभिमानं हृदये दधौ / तदा दृष्टोऽन्तरङ्गत्वाजातः पुण्योदयोऽपि हि // 8 // . . . विहितः सोमदेवेन सुतजन्ममहोत्सवः / वामदेव इत्याख्यां द्वादशेऽह्नि चकार मे // 9 // अद्राक्षं व्यक्तचैतन्यं प्राप्तोऽहं मानुषत्रयम् / द्वौ नरौ ललनामेकां वक्रां शक्रायुधाकृतिम् // 10 // तत्रैको मां समालिङ्गय स्नेहादित्थमभाषत / मित्र ! प्रत्यभिजानीषे न वा ? नेति मयोदितम् // 11 // ततः शोकातुरः सोऽभूद् मयोक्तं किं नु शोचसि ? / स प्राह चिरदृष्टोऽपि यत् त्वया विस्मृतो भृशम् // 12 // मयोक्तं कुत्र दृष्टोऽसि ? साऽब्रवीद् बहवोऽभवन् / पुरेऽसंव्यवहाराख्ये मादृशास्ते वयस्यकाः // 13 // न व्यक्तोऽहं सखाऽभूवं तदैकाक्षादिषु भ्रमन् / पञ्चाक्षपशुसंस्थाने यदाऽभूः संज्ञिगर्भजः // 14 // तदा तेऽहं सखाऽभूवं तिरोभूतो न लक्षितः / अनन्तशः परिभ्रम्य ततोऽनन्तेषु धामसु // 15 // नरवाहनराजस्य नन्दनो रिपुदारणः / त्वं सिद्धार्थपुरे जातस्तदाऽहं लक्षितस्त्वया // 16 // सम्वाऽहं ते मृषावादो ललितोऽसि मया सह / अत्यन्तकुशलोऽभूस्त्वं मम प्रेमानुभावतः // 17 // पृष्टश्चाहं त्वया तेऽभूत् कुतः कौशलमीदृशम् ? / मयोक्तं भगिनी मेऽस्ति मायाख्या तत्प्रसादतः // 18 // त्वयोक्तं दर्शनीया मे साऽऽत्मीया भगिनी त्वया / प्रतिपन्नं वचस्तच्च तावकीनं मया तदा // 19 // तदेषोऽत्र पुरस्कृत्य भगिनीमहमागतः / स्मरंस्तद्वचनं शोके हेतुर्मे त्वदुपेक्षणम् // 20 // मयोक्तं भद्र ! वृत्तान्तं व्यक्तं नैनं स्मराम्यहम् / तथापि स्मरतो नेत्रे स्वदर्शनविकस्वरे // 21 // तन्न शोकस्त्वया कार्यो ज्ञेयोऽहं प्राणसन्निभः / तेनोक्तमियता सिद्धं मम सर्व प्रयोजनम् // 22 // . दर्शिताऽऽमीयभगिनी मायेति भुवि विश्रुता / प्रियनाम्ना बहुलिका कार्याऽऽज्ञाऽस्याः सदा त्वया // 23 // अहं तिरोभविष्यामि नास्ति मेऽवसरोऽधुना / अस्यां स्थितायां ज्ञेयस्तु स्थितोहं परमार्थतः // 24 // कनिष्ठोऽयं मम भ्राता युक्तस्तव सखाऽधुना / स्तेयाख्याऽभूत् पुरा छन्नः प्रादुर्भूयाऽधुनाऽऽगतः // 25 // द्रष्टव्योऽहमिव स्नेहात् तदयं प्रियबान्धवः / मयोक्तं मे स्वसा या ते त्वद्भ्राता मम बान्धवः / / 26 / / तिरोभूतो मृषावादस्ततः प्रमुदितस्वरम् / भगिनी-भ्रातरौ प्राप्य तौ ममोल्लसितं मनः // 27 // .
| SR No. | 004341 |
| Book Title | Vairagyarati |
| Original Sutra Author | N/A |
| Author | Ramnikvijay Gani |
| Publisher | Yashobharti Jain Prakashan Samiti |
| Publication Year | 1969 |
| Total Pages | 316 |
| Language | Sanskrit |
| Classification | Book_Devnagari |
| File Size | 8 MB |