Vairagyarati

SR No.: 004341
Original Sutra Author: N/A
Author: Ramnikvijay Gani
Publisher: Yashobharti Jain Prakashan Samiti
Publication Year: 1969
Total Pages: 316
Language: Sanskrit
Classification: Book_Devnagari
File Size: 8 MB

Page 181

महोपाध्यायश्रीवशोषियगणिविरचिता [चतुर्थः सर्गः भग्नश्च चित्तविक्षेपमण्डपः पतिताऽखिला / तृष्णाख्या वेदिका नष्टं विपर्यासाख्यविष्टरम् // 1228 // महामोहनृपो लीनः शीर्णाविद्याङ्गयष्टिकः / शान्तो मिथ्यात्ववेतालः प्रणष्टो रागकेसरी // 1229 // भिन्नो द्वेषगजेन्द्रोऽपि विदीणों मकरध्वजः / उच्चाटितश्च विषयाभिलाषस्तत्प्रिया मृताः // 1230 // विहिंसितो हासभटो जुगुप्सा चारतिहते / भय-शोको विदलितो नष्टा दुष्टाशयादयः / / 1231 // नष्टानि डिम्भरूपाणि ज्ञानाद्यावरणैः सह / आनुकूल्यं ययुर्भूपाश्चत्वारः सप्त मध्यगाः // 1232 / / भास्वन्ती ध्यानयोगेन चित्तवृत्तिः प्रभासते / शान्तसर्वविकारेयमन्यैव हि महात्मनाम् // 1233 // प्रकर्षः प्राह विहितं भवता साघु मातुल ! / अमून् दर्शयता चित्ते सुधावृष्टिः कृता मम // 1234 // अद्यापि दर्शनीयोऽसौ वर्णितो यो महाबलः / स सन्तोषमहीपालः कृपालुः सर्वदेहिषु // 1235 // विमर्शः प्राह विस्तीर्णो दृश्यते योऽत्र मण्डपः / शुभचित्तसमाधानो नाम्नाऽत्र बसतां प्रियः // 1236 // स सन्तोषमहीपालो जानाम्यत्र भविष्यति / प्रवेष्टव्यं तदत्रेति प्रविष्टौ तौ शुभाशयौ // 1237 // ताभ्यां स मण्डपो दृष्टो विश्वतापव्यथाऽपहः / राजकान्तः स्थितो दृष्टो नृपस्तत्र चतुर्मुखः / / 1238 // विशालवेदिकाऽऽरूढः प्रौढसिंहासनस्थितः / सेवितो भूरिलोकेन नेत्रासेचनकः सताम् / / 1239 / / ततः प्रकर्षस्तं दृष्ट्वा महाऽऽनन्दतरङ्गितः / मातुलं मानसे किश्चिच्छंशयालुरभाषत // 1240 // अहो ! रम्यं पुरं जैनमिदं यत्रेदृशः प्रभुः / ईदृक्षो मण्डपो लोकाश्चेदृशा दृष्टिशर्मदाः // 1241 // यत्रेदृशं विवेकाद्रौ पुरं स भवचक्रके / स्थितः कथं दोषपूर्णे विमर्शोऽप्यब्रवीत् ततः // 1242 // चित्तवृत्तिमहाटव्यामस्त्यसौ परमार्थतः / उपचारेण विद्वद्भिर्मवचक्रे निगवते // 1243 / / अस्ति येनात्र विस्तीर्ण पुरं सात्त्विकमानसम् / तत्र स्थितो विवेकादिरुपचारस्ततः कृतः // 1244 // प्रकर्षः प्राह यद्येवं तदाधारोऽस्य यद् गिरेः / पुरं सात्त्विकचित्ताल्यं तद्गता ये बहिर्जनाः // 1245 // विवेकशैलो यश्चायं विस्तीर्णं शिखरं च यत् / अप्रमत्तत्वमिह यत् पुरं जैनं च सुन्दरम् // 1246 // बहिरना जना येऽत्र यः समाधानमण्डपः / या चेयं वेदिका यच्च विष्टरं यश्च भूपतिः // 1247|| यश्चायं परिवारोऽस्य वद मे तदिदं पृथग / विमर्शः प्राह यद्येवं शृणु तत् प्रणिधानभाग् // 1248 // यदिदं पर्वताधारः पुरं सात्त्विकमानसम् / स्वयमेव भुनक्तीदं स कर्मपरिणामराट् // 1249 // इदं हि भवचक्रस्थमपि सर्वगुणास्पदम् / पङ्कस्थमपि किं पद्मं मन्दिरं न श्रियो भवेत् ? // 1250 // सुधामयमिदं स्फीतं शीतगोरिव मण्डलम् / अर्कबिम्बमिव ध्वान्तर्मुक्तमेतदुपद्रवैः // 1251 // शीतं चन्दनवच्छायान्वितं नन्दनवृक्षवत् / महेश्वर इवोत्सङ्गविलसत्सर्वमङ्गलम् // 1252 // इदं पश्यन्ति नाधन्याः सरत्नामिव मेदिनीम् / अन्तर्दृष्टयाऽतिविमलमाकाशस्फटिकोपमम् // 1253 // इह स्थितानामायाति विवेको दृष्टिगोचरम् / सिद्धाद्रिस्तत्स्थितिप्राप्तसिद्धाञ्जनगुणादिव // 1254 // अत्र स्थिता जना रम्या पुरस्यैवानुभावतः / अतिरम्याः पुनस्ते स्युविवेकशिखरं गताः // 1255 / / अत्र स्थितानां लोकानां रोचते जैनसत्पुरम् / इक्षुयष्टिरिवोष्ट्राणां नान्येषां भववासिनाम् // 1256 // ऊर्ध्वस्थमपि पश्यन्तस्तन्मोदन्तेऽत्रवासिनः / चकोरा इव चन्द्रस्य पिबन्तः किरणामृतम् // 1257 //