Page Text
________________ ग्लो० 1228-1286 ] वैराग्यरतिः। अयं गिरिः पुनर्घोरदुःखनाशकरो नृणाम् / श्रिया गरिष्ठो दृष्टोऽपि काऽऽरोहस्य तु सङ्कथा ? // 1258 // अत्र स्थिताः प्रपश्यन्तो भक्चक्रं करस्थितम् / जनास्ततो विरज्यन्ते कूटकार्षापणादिव // 1259 / / अत्र स्थितानां स्त्रीवर्गः श्मशानघटिकाकृतिः / श्मशानधूमसदृशी भाति तत्प्रेमपद्धतिः // 1260 // नान्यत्र प्रतिक्धः स्यादस्मिन् दृष्टिपथं गते / भ्रमति भ्रमरोज्यत्र किं दृष्टे मालतीवने ? // 1261 // स्पृष्ट्वाऽपि सुखिनो ह्येनं भवचक्रगता अपि / भवन्त्यौषधिलिप्ताङ्गा वह्निपुञ्जस्थिता इव // 1262 / / शिखरं च विवेकादेरिदं दोषनिबर्हणम् / महामोहादिशत्रूणामुच्चाटनकरं परम् // 1263 // कथञ्चिदागताः शैले महामोहादिशत्रवः / शिखरादप्रमत्तत्वाल्लोठ्यन्तेऽस्माद् घृणोजितैः // 1264 // सद्भावनाख्ययन्त्रेण मुक्तैर्ध्यानोरुगोलकैः / सैन्यं दन्दह्यते सर्व महामोहादिभूभुजाम् // 1265 // सतामत्र करग्राह्यं साम्यकल्पलताफलम् / अधःस्थितैर्यदास्वादः स्वप्नेऽपि हि न लभ्यते // 1266 // निवेशितमिह प्रौढं पुरं जैनं सुखावहम् / पुण्यहीनैजनैरेतद् भवचक्रेऽतिदुर्लभम् // 1267 // कालेन भूयसा यान्ति कृच्छात् सात्विकमानसे | भवचक्रे ततो यान्ति पुण्यहीनाः पुनर्जनाः // 1268 // न पश्यन्ति विवेकाद्रिं ततो भूरिगमागमैः / कदाचित् ते प्रपश्यन्ति नत्वारोहन्ति सस्पृहाः // 1269 // आरूढा अपि यान्त्वन्ये भवक्के स्वशत्रवः / तत्र स्थिता अपि परे पश्येयुः शिखरं तु न // 1270 // दृष्ट्वाऽपि नाधिरोहन्ति तद् अन्ये शिथिलाशयाः / तदारूढाः पुनर्धन्या जैनं पश्यन्ति सत्पुरम् // 1271 / / इयदुर्लभसामग्रीलभ्यसुन्दरदर्शनम् / पुरमेतत् सदानन्दं मुक्त्यर्थं प्रस्थितैर्जनैः // 1272 / / नैषां प्रयाणभङ्गाय वासोऽपि विबुधालये / रात्रिस्वापसमः शान्तमहामोहादिविद्विषाम् // 1273 // प्रकर्षः प्राह पश्यामि मातुलैतेष्वपि स्फुटम् / महामोहादिभूपालजनितां भवचक्रवत् / / 1274 // बिम्बेष्विमेऽपि मूर्च्छन्ति यज्जिनानां लयस्थिताः / स्वाध्यायेषु च रज्यन्ते स्निह्यन्ति समधर्मसु // 1275 / / तुष्यन्ति सदनुष्ठाने प्रीयन्ते गुरुदर्शने / दृष्यन्त्यर्थोपलम्भेषु व्रतभङ्गं द्विषन्ति च // 1276 // आचारलोपे क्रुध्यन्ति रुष्यन्त्यागमशत्रुषु / माद्यन्ति निर्जरोद्धर्षेऽहङ्कुर्वन्ति प्रतिश्रुते // 1277 // स्मयन्ते चोपसर्गेभ्योऽवष्टभ्नन्ति परीषहान् / निगृह्णन्त्यागमावज्ञां वञ्चयन्तीन्द्रियव्रजम् // 1278 // कामचेष्टां जुगुप्सन्ते प्रक्षुभ्यन्ति भवभ्रमात् / रमन्ते निर्वृतेर्मार्गे हसन्ति सुखशीलताम् // 1279 // उद्विजन्ते श्लथाचाराच्छोचन्ति प्राच्यदुष्कृतम् / गर्हन्ते स्खलितं शीले निन्दन्ति भवसम्भ्रमम् // 1280 // महामोहादिकार्याणि दृश्यन्ते तदमीष्वपि / भवता तत्कथं प्रोक्ता मोहाद्यैरुज्झिता अमी? // 1281 // विमर्शेनोदितं वत्स ! ज्ञेया मोहादयो ह्यमी / मुनीनां बान्धवाः शस्ता अप्रशस्ताः पुनर्द्विषः // 1282 // शस्तैरौदयिकैर्भावैः क्षायोपशमिकैरिव / मुनयो नीयन्ते उर्ध्वमप्रशस्तैरधः पुनः // 1283 // तदमी सज्जना जैना वर्तन्ते बन्धुभिर्युताः / शत्रुभिः सर्वथा त्यक्ताः सर्वकल्याणभाजिनः // 1284 // अयं चित्तसमाधानो मण्डषः पापखण्डनः / भवप्रपञ्चो भात्यस्मिन् ज्वलज्ज्वलनसनिभः // 1285 // भस्मीभवत्यविधाऽस्मिन् ज्ञानोद्योतो बिजम्भते / छिद्यते कर्मणां ग्रन्धिर्मनोमुद्रा विभिद्यते // 1286 // 1. °पि दुःखिनो नैनं भव //
| SR No. | 004341 |
| Book Title | Vairagyarati |
| Original Sutra Author | N/A |
| Author | Ramnikvijay Gani |
| Publisher | Yashobharti Jain Prakashan Samiti |
| Publication Year | 1969 |
| Total Pages | 316 |
| Language | Sanskrit |
| Classification | Book_Devnagari |
| File Size | 8 MB |