Vairagyarati

SR No.: 004341
Original Sutra Author: N/A
Author: Ramnikvijay Gani
Publisher: Yashobharti Jain Prakashan Samiti
Publication Year: 1969
Total Pages: 316
Language: Sanskrit
Classification: Book_Devnagari
File Size: 8 MB

Page 169

महोपाध्यायश्रीयशोविजयगणिविरचिता [ चतुर्थः सर्गः चक्रवाकहृदयात् परिदीर्घाऽऽक्रन्दनिर्यदसुसन्ततिचेष्टा / मूर्च्छदुप्रविरहानलदग्धादाकुलोच्चतरुपक्षिभिरूहे // 900 // पद्मिनीहृदयनिर्भररागात् पिण्डितादिव पिचण्डिलमूर्तेः / रश्मयो विबभुरम्बुधिकूलं यास्यतोऽहिमरुचेरतिशोणाः // 901 // द्यामभित्वरयितुं रतयोग्यस्फारभूषणविधौ विधिवेत्त्री / आगता हिमरुचेः प्रियदूती कुङ्कुमारुणतनुर्ननु सन्ध्या // 902 // अञ्जनाचलभुवः परिजृम्भत्पाटलापटलपाटलभासः / सान्ध्यरागकलितः किल भागः पश्चिमः श्रियमगाद् गगनस्य // 903 // व्याप्तमम्बरमथोल्बणसन्ध्यावह्निधूमसदृशैस्तिमिरौधैः / तारकैस्तरलकान्तिभिरुच्चैस्तत्स्फुलिङ्गनिकरैरिव रेजे / / 904 // संहृता भुवि समा समभावा दृष्टनष्टमुदभाव्यत विश्वम् / उद्धतेन तिमिरेण किमाप्तो वौद्धबुद्धिपिटकात् पटुभावः // 905|| मुद्रितानि नलिनीविपिनानि प्रोल्ललास रजनीचरराजी। कौशिकाः पथि सुखेन विचेरुर्मूकतां परिययुर्बत काकाः // 906 // स्फीतनीलसिचयोरुरुचीनां कामुकं प्रति रसेन यतीनाम् / निह्नवाजनदृशां कुलटानां रुच्यतामुपययौ तिमिरौधः // 907 // गच्छतेव निजकालनियोगादाहिता दिनकृता पुनराप्त्यै / / दीप्तिरस्ततिमिरा प्रजजम्भे दीपकेष्वनुगृहं विधृतेषु // 908 // आबभार विधुना परिमुक्तं पूर्वसङ्गमरसोल्लसितेन / नाकिनेतुरथ दिग् धनसारक्षोदसोदरमभीशुसमूहम् // 909 // क्षालयन् मलिनमम्बरमुच्चैरुच्छलज्जलकणोपमतारम् / निर्मलांशुसलिलैरुपशैलं ध्वान्तपङ्कमनयद् व्ययमिन्दुः // 910 // सङ्गमो विधुकरैनिपतद्भिर्जाह्नवीयमुनयोर्यदभूत् खे / मुण्डनं तदकरोदिह रात्रिब्राह्मणीतिमिरकेशभरस्य // 911 // . कुन्दसुन्दरलसत्करजालं विष्टपत्रयजयाय पटिष्ठम् / चारुचक्रमिव मान्मथमेकं खे रराज विधुमण्डलमुद्यत् // 912 // आददेऽङ्गममृतैः परिषिश्चन् यो विलासिषु सुधाघटलीलाम् / सोऽप्यभूद् विधुरहो विरहिण्याश्चण्डकुण्डलितसर्पकरण्डः // 913 // 1. कुलारवपतस्त्रिभिरूहे // 900 // 2. 'मुक्तं नव्यसङ्गम //