Vairagyarati

SR No.: 004341
Original Sutra Author: N/A
Author: Ramnikvijay Gani
Publisher: Yashobharti Jain Prakashan Samiti
Publication Year: 1969
Total Pages: 316
Language: Sanskrit
Classification: Book_Devnagari
File Size: 8 MB

Page 152

प्रलो० 516-560 / वैराग्यरतिः। एतेषामेव वस्तूनां हेतुतां जन्यतां च यः / धत्ते बीजाङ्करन्यायाद् महामोहः स गीयते // 546 // महानद्यादिवस्तूनां तदेवं भिन्नरूपता / विचिन्तनीया यत्नेन वितत्य ज्ञानलोचनम् // 547 // प्राहागृहीतसङ्केता छिन्नो मे संशयोऽधुना / साधु प्रज्ञाविशालेति नामान्वर्थ कृतं त्वया // 548 // निवेदयतु संसारिजीव एवाऽग्रतोऽथ तद् / विचक्षणोऽववादीद् यन्नरवाहनभूभुजे // 549 // ततः संसारिजीवेन प्रोक्तं पङ्कजलोचने / 'निवेदयाम्यहं तत् ते यद् विमर्शेन भाषितम् // 550 // प्रकर्षः प्राह संन्देहश्छिन्नो मे मातुल ! त्वया / परिवारमथ ब्रूहि महामोहमहीभुजः // 55 // विलोक्यते या नृपविष्टरस्था स्थूलाञ्जनश्यामलवेणिदण्डा / वराङ्गनेयं परमाणुमंध्या किनामिका ? वा वद किंगुणा वा ? // 552 // प्रकर्षकथनादथ प्रथितधीविमर्शो जगौ, . न गौरतनुरन्यथाऽप्यकथनीयकान्तिस्थितिः / इयं भुवनगहराहितरहा महामोह - __ धवस्य वनिता कृतातुलमहा महामूढता // 553 // सुधांशुरिव चन्द्रिकां गिरिसुतामिवेशः सदा, बिभर्ति हृदये नृपः कृपणरत्नतुल्यामिमाम् / असौ न हि विना कचित् प्रभुरिमामपि स्पन्दितुं, विविच्य गुणगौरवं क इव वक्तुमस्याः क्षमः ? // 554 // मनस्यणुनि पर्वते तनुमतां तमोभिर्भूता, .. कृता स्मयमयेऽनया क न दरी दरीदृश्यते / अहो ! मनसि विभ्रमे विषयसौख्यतृष्णालता ___ऽनया कचन निर्मिता रतिकरी जरीजृम्भते // 555 // प्राह प्रकर्षो विदिता मयेयमथाऽस्ति यः सन्निहितोऽस्य राज्ञः / वक्रभुवा राजकमीक्षमाणो भीष्मो नृपः श्यामतनुः क एषः ? // 556 // जगौ विमर्शोऽथ महत्तमोऽयं मान्यो महामोहनरेश्वरस्य / मिथ्यात्वनामाऽऽन्तरराज्यवृत्तेः प्रवर्तकः कर्मनियन्त्रितायाः // 557 / / अनात्मनिष्ठा गुरु-धर्म-देवता जनप्रवाहे पतिता वदन्ति यत् / स्वभावशुद्धाश्च न ता विजानते तदस्य विश्वार्त्तिकृतो विजृम्भितम् // 558 // जडैश्छलेनाऽपि भृशं विमोहितान् कटाक्षविद्धानबलाजनैरपि / जिघांसया तुच्छजनेऽप्युदायुधान् न वेत्ति देवः किमनेन वञ्चितः // 559 // त्रिकोटिशुद्धागमदेशकान् सदा प्रसाद-कोपाविकृतान् महाधियः / विनिढ्नुतेऽसौ वृजिनोज्झितान् जिनान् जनाय देवान् जगदेकनायकान् // 56 // 1. विमर्शोकमनूक्तं यत् तत् ते सङ्कीर्तयाम्यहम् // 550 // 2. भूराड्वनिता //