Vairagyarati

SR No.: 004341
Original Sutra Author: N/A
Author: Ramnikvijay Gani
Publisher: Yashobharti Jain Prakashan Samiti
Publication Year: 1969
Total Pages: 316
Language: Sanskrit
Classification: Book_Devnagari
File Size: 8 MB

Page 129

महोपाध्यायश्रीयशोविजयगणिविरचिता तृतीयः सर्गः परं स्वशक्तिरालोच्या मध्यस्थेनान्तरात्मना / शक्यं कत्तुं कृताभ्यासोगिभिः कर्म निघृणम् // 695 // न द्रष्टुमपि शक्यं तु कर्मबन्धुदयालना / क्लीबा दृष्ट्वाऽपि कम्पन्ते करणं दूरतः स्थितम् // 696 // परमेतदनुष्ठाय याता यास्यन्ति यान्ति च / शिवस्थानमनाबाधं सिद्धानन्तचतुष्टयम् // 697 // राजाऽऽह यो न शक्तः स्याद् द्वितीयस्य निबर्हणे / तृतीयस्य परित्यागात् किमवाप्नोत्यसौ फलम् ? // 698 // गुरुराह नृशार्दूल! यो न हन्ति द्वितीयकम् / तृतीयस्य परित्यागस्तस्य नूनं विडम्बना // 699 / / चित्तेऽन्तर्ग्रन्थगहने बहिनिर्ग्रन्थता वृथा / त्यागात् कञ्चकमात्रस्य भुजगो न हि निर्विषः // 700|| राजाऽऽह ननु यद्येवं तदा युष्मदनुग्रहात् / द्वितीयं च तृतीयं च त्यजाम्यद्य कुटुम्बकम् // 701 // जगौ गुरुरिदं भूप! सुष्छूक्तं क्षत्रियोचितम् / तदा भूपेन विमलमतेर्वदनमीक्षितम् // 702 // त्याज्यं राज्यं मयेत्युक्ते स जगौ मन्त्रिपुङ्गवः / न तवैवोचितं ह्येतदुचितं पर्षदोऽध्यदः // 703 // . केचिद्भीतास्तदाकर्ण्य बलात्प्रवाजनाधिया / प्रद्विष्टा गुरुकर्माणो नीचाश्चाशु पलायिताः // 704 // मुदिता लघुकर्माणः प्रपन्नं तद्वचश्च तैः / प्रमोदवर्धने चैत्ये ययुः सर्वेऽन्तिकस्थिते / / 705 // कृता भगवतां पूजा तत्रोदारा यथाविधि / प्रवर्त्तितानि दानानि कारितं बन्धमोचनम् / / 706 // आकार्य तनयं स्वं च नगरात् श्रीधराभिधम् / राज्यं दत्त्वा नृपस्तस्मै दीक्षां भागवती ललौ // 707 // दत्ता निर्वेदजननी गुरुणा देशना तदा / गता देवादयः स्थानमानन्दमृतमानसः // 708 // तदप्यमृतधाराभं वचः परिणतं न मे / प्रत्युतान्तिकमायातौ हिंसा-वैश्वानरौ तदा // 709 // अन्तर्लीनौ ममाऽङ्गे तो मोचितश्चास्मि बन्धनात् / नियुक्त राजषुरुषैः सर्वबन्धनमुक्तये // 710 // चिन्तितं चाहमेतेन सभामध्ये विगोपितः / तदत्र किं स्थितस्याऽस्य श्रमणस्याऽन्तिके मम ? // 711 // इतो गतोऽहं विजयपुराभिमुखमध्वनि / दृष्टश्च प्रातिपथिकोऽन्तरा नाम्ना धराधरः // 712 // मत्कल्पः सोऽपि विजयपुरान्निष्काशितः सुतः / राज्ञा शिखरिणा हिंसा-वैश्वानरकलङ्कितः // 713 // पृष्टो मयाऽथ विजयपुराध्वानमसौ न तत् / व्याकुलत्वाच्छूतं तेन ध्यातानादरधीर्मया // 714 // हिंसा-वैश्वानरोग्रेग गृहीताऽथ कटीतटात् / असिपुत्री मया सद्यः खड्गस्तेनाऽपि तादृशा // 715 / / प्रहारौ समकं दत्तौ द्वाभ्यां गात्रविदारिणौ / जीर्णैकभववेद्या च समकं गुटिका द्वयोः / / 716 / / ततोऽपरे वितीर्णे ते भवितव्यतया द्वयोः / पुर्यां पापनिवासायां नीतौ सप्तमपाटके // 717 // त्रयस्त्रिंशत्सागरायुर्भुक्त्वा तत्र मिथोहती। गुटिकान्तरमाहात्म्यान्मत्स्यौ जातौ मिथोद्विषौ / / 718 // ततोऽपि पाटके षष्ठे द्वाविंशत्यर्णवायुषौ / परस्पराभिवातेन धृतावत्यन्तदुःखितौ // 719 // पञ्चाक्षवासनगरे भवितव्यतया ततः / कृतौ गर्भजसो द्वौ वैरावेधकृताहती // 720 // ततः पापनिवासायां धृतौ पञ्चमपाटके / गता मिथो दलयतोरायुः सप्तदशार्णवाः // 721 // ततः सिंहावुभौ जातो तीववैरानुबन्धिनौ / दशार्णवायुषौ पापे चतुर्थे पाटके ततः // 722 // सोढस्तत्र मिथो घातः श्येनौ जातावुभौ ततः / ततोऽप्यवः स्फुरद्वैरौ तृतीये पाटके गतौ // 723 / / त्रिविधा वेदना तत्र सोढा सप्तार्णवायुषा / ततश्च नकुलौ जातौ मिथोगात्रप्रहारिणौ // 724 // .