Page Text
________________ 78 ] श्रीजननैषधीयमहाकाव्ये श्रीशान्तिनाथचरित्रे नस्तया-सङ्गमनाय सम्मिलनाय उन्मना उत्का सङ्गमनोन्मनास्तस्या भावः सङ्गमनोन्मनस्ता तया तथा। पुन:-किन्तु / का-किमात्मिका / न-नहि / सखीकृता-असखी अवयस्या / सखीकृता सखीकृता, अपि तु सर्वा एव सखीकृतेतिभावः // 122 // शिरो धुनाना मधुनोऽधुनाऽशना-ज्जगाद गोत्रस्खलिते च का न तम्। उपायनं का न चकार कार्यधी-रधीरताभृच्च पुरः सुरप्रभोः / / 123 // अन्वयः-मधुनः, अशनात् , शिरः, धुनाना, अधुना, का, तम् , गोत्रस्खलिते, न, जगाद, च, कार्याधीः, च, अधीरतामृत् , का, सुरप्रभोः पुरः, उपायनम् , न, चकार // 123 // वृत्तिः-मधुनः- मद्यस्य / “मधु पुष्परसे क्षौद्रे मद्ये" इति मेदिनी / अशनात-अभ्यबहरणात् / शिरः-मस्तकम् / धुनाना-वेपयन्ती, कम्पयन्तीतियावत् / अधुना-साम्प्रतम्, भगवतः श्रीशान्तिनाथस्य वनविहाराय प्रस्थानसमये इतियावद / का-कीदृशी, धैर्य्यशालिनीतियावद / तमभगवन्तं श्रीमन्तं शान्तिनाथम् / गोत्रस्खलिते-गोत्रस्य नाम्नः स्खलितं व्यत्यासो गोत्रस्खलितम् तस्मिँस्तथा / “नाम गोत्रं कुलं गोत्रं गोत्रस्तु धरणीधरः" / इति शाश्वतः / न-नहि / जगादअवदत् / अपि तु सर्वैव पतिव्रताव्यतिरिक्तेति भावः / च-पादपूरणे / कायधी:-कार्ये कायसाधने धोर्बुद्धिर्यस्याः सा काय॑धीः / च-पुनः / अधीरताभूत-धीरस्य धैर्यान्वितस्य भावो धीरता न धीरताऽधीरता तां बिभर्ति धारयतीति अधीरतामृत् / “धीरो धैर्यान्विते" इति मेदिनी / का-कीदृशी। सुरप्रभोः-सुरो देव एव प्रभुरीशः सुरप्रभुस्तस्य तथा / पुरा-पुरतः, अप्रत इति यावद / उपायनम्उपहारम् / न-नहि / चकार-अकरोत् / सर्वाऽपि नितम्बिनी तद्दर्शनस्पर्शनसङ्गमनात्मककार्यसिद्धयर्थमुपेष्टदेवमुपायनं रक्षितवतीति यावत् // 123 // मनोबलात् कोऽप्यबलापि नामिलद्, रहः स्थिताऽहर्निशतद्वशंवदा / तदात्मताध्यातधवा रते च का, प्रियाऽभवद् नासनकर्मणा प्रिये // 124 // अन्वयः-अपि, अबला, अपि, का, रहास्थिता, अहर्निशतद्वशंवदा, ( सती ) मनोबलात् . न, अमिलत् , च, तदात्मताध्यातधवा, का रते, प्रिये, आसनकर्मणा, प्रिया, न, अभवत् // 124 // वृत्तिः-अपि-पुनः / अबला-नास्ति बलमस्या इत्यबला-सीमन्तिनी / अपि-सम्भावनायाम् / का-किमात्मिका / रहास्थिता-रहसि-एकान्ते विजने इत्यर्थः / स्थिता-अवस्थिता रहःस्थिता। अहर्निशतद्वशंवदा-वशं वदतीति वशंवदा तस्य भगवतः शान्तिनाथस्य वशंवदा तद्वशंवदा अहर्निशं
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |