________________ टीकाकर्तुः प्रशस्तिः योऽर्हनित्यमबूबुधत् त्रिभुवनं मोहप्रमीलाविलं, - सम्यक्तत्त्वमतत्त्वतत्वदहन, विश्वेऽखिलेऽदीदिपत् / राग रङ्कुसमानमुद्दलयितुं, सिंहं क्रमेऽदीधरत्, स श्रीवीरजिनेश्वरो विजयते, तीर्थाधिराजः स्वयम् // 1 // तत्पट्टे सुरराजराजितदिशि, प्रांशुः सुधर्मा प्रभु, स्तत्पश्चात् क्रमशः परेऽजनिषतो-द्यकीर्तयः सूरयः / जातस्तेषु नतेषु कामितफलः, श्रीहीरसूरीश्वरो, येनास्मिन् कलिकालकालसमये, धर्मार्थमभ्युद्यतम् // 2 // तस्यैवान्वयवार्धिवर्धनशशी, श्रीवृद्धिचन्द्रो गुरु स्तत्पादाम्बुजसेवनाप्तसुषमः, श्रीनेमिसूरीश्वरः / सम्भूतो वरतीर्थरक्षणविधी, वैदुष्यपूर्णस्तपा गच्छाधीश्वरसर्वतन्त्रविदुरः, सदूरदर्शी वशी // 3 // यः सद्भूतयशस्सुधाधवलितं, चक्रे जगद् यं बुधाः, सेवन्ते विजयो नयेन विधिवद् येनात्मनाधिष्ठितः / यस्मै ऋभ्यति रोषणः परुषितो, यस्माद्विभूतिः परा, यस्य ब्रह्मबलं नितान्तविमलं, यस्मिन् महोचं महः // 4 //
