Page Text
________________ 270 ] श्रीजैननैषधीयमहाकाव्ये श्रीशान्तिनाथचरित्र यावत् / सुवर्णवर्णम्-कनकरूपम् / रिरंसुहंसीकलनादसादरम्--रिरंसो रन्तुमिच्छोः हंस्याः मराल्याः कलनादेऽव्यक्तमधुरध्वनौ सादरः साभिलाषः तं तथा / हंसम्-मरालम् / अकृत-विचक्रे / हंसस्य विकुर्वणामकरोदिति यावत् // 22 // पुरः किरन्तं विकरं वसूत्कर, समौक्तिकं मौक्तिकयुक्तमैक्षत / स तत्र चित्रं विचरन्तमन्तिके, मनागपि क्षुब्धमना हि नाभवत् // 23 // अन्वयः-सः, तत्र, पुरः, विकरम् , वसूत्करम् , किरन्तम् , समौक्तिकम , मौक्तिकयुक्तम् , अन्तिके, विचरन्तम् . चित्रम् , ऐक्षत, हि, मनागपि, क्षुब्धमनाः, न, अभवत् // 23 // वृत्तिः सः-श्रीशान्तिनाथोऽहन् / तत्र-तपोवनभूमौ / पुर:-अग्रे / विकरम-विकारकारकम् / वसूत्करम्-रत्नप्रकरम् / किरन्तम्-क्षिपन्तम् / समौक्तिकम्-समम् अनुकूलम् औक्तिकम् उक्तिर्यस्य स तं तथा / मौक्तिकयुक्तम्-मुक्ताफलसमन्वितम् / अन्तिके-समीपे / विचरन्तम्-मन्दं मन्दं सञ्चरन्तम् / चित्रम्--विस्मयापादकम् , कनकरूपत्वादिति / ऐक्षत-अपश्यत् , लोचनगोचरं चक्रे / अथ च, हि-निश्चयेन / मनोगपि-ईषदपि / क्षुब्धमना:-चञ्चलचित्तः / न-नैव / अभवत्समजायत // 23 // तपस्यतस्तस्य विवन्दिषामिषात् , स्वरागतः स्निग्धमनास्त्वरगतः / स देवदेवस्य निषेवणापर, हिरण्मयं हंसमबोधि नैषधः // 24 // अन्वयः-विवन्दिषामिषात् , तु, अरागतः,तपस्यतः, तस्य, देवदेवस्य, निषेवणापरम् , हिरण्मयम् , हेसम् , स्वरागतः, स्निग्धमनाः, सः, नैषधः, अबोधि // 24 // वृत्तिः-विवन्दिषामिषात-वन्दितुमिच्छा विवन्दिषा तस्या मिष व्याजो विवन्दिषामिषम् तस्मात्तथा / तु-किन्तु / अरागतः-रागाभावतः / मात्सर्यानुरागविरहिततयेत्यर्थः यद्वा / त्वरागतइत्येव त्वरितमागत इत्यर्थमवसेयम् / तपस्यतः-तपस्यामादधतः / तस्य-प्रसिद्धस्य, वोतरागत्वादिनेति शेषः / देवदेवस्य-तीर्थकृतो जिनेश्वरस्य श्रीशान्तिनाथस्य / निषेवणापरम्-शुश्रूषणासक्तम् / हिरण्मयम्-काञ्चनविकारम् / हंसम्-राजहंसम् / स्वरागत:-स्वीयानुरागाव , स्वर्गतः समागतो वा। स्निग्धमना:-स्निग्ध-सस्नेहं मनोऽन्तःकरणं यस्य स तथा, सप्रणयान्तःकरण इत्यर्थः / सः-प्रसिद्धः / नैषधः-चक्रिचमूपतिः / अबोधि-अध्यगमत् , अवबुद्धवान् // 24 //
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |