Page Text
________________ भाचार्यविण्यामृतसूरीश्वरकृतायां विद्वद्विनोदिन्यां पञ्चमः सगः / [263 वृत्तिः–महोत्सवे-महान् विशालश्वासावुत्सवो महः महोत्सवस्तस्मिंस्तथा / यथेष्टसृष्टाजलिमृष्टवारिमि:-यथेष्टं पर्याप्तं यथा स्यात्तथा सृष्टानि त्यक्तानि यथेष्टसृष्टानि तानि च तान्यअनिमृष्टवारीणि-सम्पुटितकरयुगलमृष्टजलानि, यथेष्ट सृष्टाजलिमृष्टवारीणि तैस्तथा / नवम्-नवीनम् / अभिनवमिति यावत् / सर:-कासारः / उदभवत्-समुदपद्यत / सजातमिति यावत् / अत:अभिनवसरःप्रादुर्भावाद्धेतोः / विधुकालकूटयो:-विधुश्चन्द्रश्च कालकूटो विषश्न विधुकालकूटौ तयोस्तथा / सम्बन्धित्वं षष्ठ्यर्थः / चन्द्रविषसम्बन्धिनीमिति यावत् / विषम-छविम् , कान्तिमिति यावत् / विमुश्चचन्-परित्यजन् / लवणाब्धिः -लवणसमुद्रः / अपि-सम्भावनायाम् / पराजित:पराभूतः। अधरीभूत इति यावत् / अभूत्-अभवत् // 8 // चलीकृता यत्र तरङ्गरिङ्गणै-जिनेन्द्रदीक्षासमयोत्सवाम्बुधौ / हया दधुः स्वाप्लवनमहोर्मितां, व्रजा गजानामपि संघचारिताम् // 9 // अन्वयः--यत्र, जिनेन्द्रदीक्षासमयोत्सवाम्बुधौ, तरङ्गरिङ्गणः, चलीकृताः, हयाः, स्वाप्लवन, महोर्मिताम् , अपि, गजानां, व्रजाः, संघचारिताम् , दधुः // 9 // वृत्तिः-यत्र-यस्मिन् / जिनेन्द्रदीक्षासमयोत्सवाम्बुधौ-जिनेन्द्रस्य जिनेश्वरस्य भगवतोऽहंतः शान्तिनाथस्य दीक्षासमयो भागवतदीक्षाग्रहणकालो जिनेन्द्रदीक्षासमयस्तत्र उत्सव उद्धर्ष एवाम्बुधिः समुद्रः जिनेन्द्रदीक्षासमयोत्सवाम्बुधिस्तस्मिन् तथा। "मयूरव्यंसकेत्यादयः" 3 / 1 / 116 / / इत्यनेन रूपकसमासः / तरङ्गरिङ्गणैः-तरङ्गस्खलनैः / चलीकृता:-चश्चलीकृताः / हया:-अश्वाः / स्वाप्लवनैः-स्वस्य आत्मन आप्लवनानि सर्वतोभावेन प्लुतानि कूर्दनानि इति यावत् स्वाप्लवनानि तैस्तथा / महोर्मिताम-महान्तश्च त ऊर्मयस्तरङ्गाः महोर्मयस्तेषां तासां वा भावो महोमिता तान्तथा / अपि-समुच्चये / गजानाम्-हस्तिनाम् / व्रना:-समूहाः, वृन्दानीति यावत् / संघचारिताम-सोन समूहेन चरन्तीति सङ्घचारिणो मत्स्यास्तेषां भावः सङ्घचारिता तान्तथा / सकेन चरन्तीति मत्स्यजातिः / दधुः-धारयामासुः // 9 // मिथो स्थानामपि सादिनां ध्वजे-रबालशैवाललतापरम्पराः। मलीमसै रेणुगणैः सखीकृताः पयोनिधेर्धर्मनिधेतोत्सवे // 10 // अन्वयः-धर्मनिधेः, रथानाम् , अपि, सादिनाम् , मिथा, ध्वजा, मलीमसेः, रेणुगों, पयोनिधेः, अबालशेवाललतापरम्पराः, सखीलताः // 10 //
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |