Page Text
________________ -आचार्यविजयामृतसूरीश्वरकृतायां विद्वद्विनोदिन्यां प्रथमः सर्गः स वर्णनीयस्तत एव लक्षणे-विचक्षणैः संप्रति सन्निधानतः / सुवर्णदण्डैकसितातपत्रित - प्रभावकीर्योर्जनचित्तचित्रितः // 8 // अन्वयः-सः, ततः, एव, विचक्षणः, लक्षणः, संनिधानतः, वर्णनीयः, ( अथ च ) सम्प्रति, सुवर्णदण्डैकसितातपत्रितप्रभावकीत्योः, जनचित्तचित्रितः // 8 // वृत्तिः सः-प्रसिद्धो नलः / तत:-भगवतः शान्तिनाथस्य चरणारविन्दसंसेवनात् नयाभयाच्च हेतोः / एव-खलु / विचक्षणः-विशेषेण गुणादिकं चक्षते कथयंतीति विचक्षणानि, तैस्तथा / विलक्षणरिति पाठः साधीयान् / लक्षणैः-लक्ष्मभिः / असाधारणधर्मादिभिरिति यावत् / सनिधानत:-सान्निध्यात् / प्रसङ्गवशादिति यावत् / वर्णनीय:-प्राशस्त्यवत्त्वेन निरूपणीयः / ( अथ च ) सम्प्रति-अद्यापि / स्वर्णदण्डै कसितातपत्रितप्रभावकीयो:-सुवर्णस्य दण्डः सुवर्णदण्डः, एकञ्च तत्सितञ्च तदातपत्रश्चैकसितातपत्रम्, सुवर्णदण्डश्च एकसितातपत्रश्च सुवर्णदण्डकसितातपत्रे, सुवर्णदण्डैकसितातपत्रे कृते तद्वदाचरिते वा सुवर्णदण्डैकसितातपत्रिते, प्रभावः-प्रतापश्च कीर्तियशश्चेति प्रभावको”, सुवर्णदण्डैकसितातपत्रिते चेमे प्रभावकीर्ती, सुवर्णदण्डैकसितातपत्रितप्रभावकीर्ती तयोस्तथा, सप्तमी चात्र वैर्षायकी बोध्या, तथा च तादृशप्रभावकीर्तिविषये इत्यर्थः / जनचित्तचित्रित:-जनानां लोकानाम् चित्तानि जनचित्तानि तेषु चित्रितः प्रतिमायितः जनचित्तचित्रितः, लोके स्मरणीय इत्यर्थः / यद्वा-अत्र श्लोके विचक्षणैरिति पदं न करणतृतीयान्तम्, किन्तु कर्तृतृतीयान्तमेव तथा च सः तत एव हेतोः लक्षणैः करणैः सन्निधानतः, विचक्षणैः-कर्तृभिः-विद्वद्भिः, वर्णनीय इत्येवमन्वयोऽवसेयः // 8 // रसादशास्योऽप्यदसीयसेवनेऽवनेः प्रभु स्वरकान्तिभास्करः / बभूव भूवल्लभदेवजित्वरज्ज्वलत्प्रतापावलिकीर्तिमण्डलः // 9 // अन्वयः-दशास्यः, अपि, अदसीयसेवने, रसात् , भाखरकान्तिभास्करः, भूवल्लभदेवजित्वरज्ज्वलत्प्रतापावलिकीर्तिमण्डलः, ( सन् ) अवनेः प्रभुः, बभूव // 9 // वृत्तिः-दशास्यः-दश दशत्वसम्ख्याकानि आस्यानि मुखानि यस्य स दशास्यः, स्वनामप्रसिद्धलङ्काराजो लोकरावणो रावणः / अपि-खलु / अदसीयसेवने-अमुष्य भगवतः शान्तिनाथस्य इदम् अदसीयम्, तत्सम्बन्धीत्यर्थः, अदसीयञ्च तत्सेवनमदसीयसेवनम्, तस्मिन् तथा / रसात-आवेशात्, समुत्कण्ठिततया प्रवृत्तेरिति यावत् / भास्वरकान्तिमास्करः-भास्वरा देदीप्यमाना चासौ कान्तिः प्रभा भास्वरकान्तिस्तया भास्करः सूर्य इति भास्वरकान्तिभास्करः / भूवल्लभदेवजित्वरज्ज्वलत्प्रतापावलिकीर्तिमण्डला-भुवः-पृथिव्या वल्लभः पतिः भूपतिः, "प्रेयसी दयिता कान्ता प्राणेशा वल्लभा प्रिया" 3179 / / अ० चि० इत्यनन्तरम् "प्रेयस्याधाः पुंसि पत्यौ” इति दर्शनाद वल्लभशब्दस्यापि पतिवाचकत्वाद, जयति तच्छीलो जित्वरः “सृ
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |