Page Text
________________ -आचार्यविजयामृतसूरीश्वरकृतायां विद्वद्विनोदिन्यां चतुर्थः सर्गः [ 221 युवद्वयीचित्तनिमज्जनोचितम् / बभूव-अभवत् // 9 // जिनेशभीतस्मरपाणितः पतत्-प्रसूनशून्येतरगर्भगह्वरम् / वनं तदुच्चैर्भवनं सभावनं, दिशो दशामोदभरैरपूपुषत् // 10 // अन्वयः-जिनेशमीतस्मरपाणितः, पतत्प्रसूनशून्येतरगर्भगहरम् , उच्चभवनम् , सभावनम् , सत् , वनम् , आमोदभरैः, दश, दिशः, अपूपुषत् // 10 // वृत्तिः-जिनेशभीतस्मरपाणित:-जिनेशेन भगवता शान्तिनाथेन, भीतः-त्रस्तः प्राप्तसाध्वस इति यावत् / जिनेशभीतः, स चासौ स्मरः कन्दर्पः, जिनेशभीतस्मरस्तस्य पाणिहस्तो जिनेशभीत-. स्मरस्तस्मात्तथा / पतत्प्रसूनशून्येतरगर्भगह्वरम्-पतन्ति अधोदे शसंयोगमाश्रयन्ति च तानि प्रसूनानि पुष्पाणि पतत्प्रसूनानि तैः शून्येतरं पूर्ण गर्भगह्वरं मध्यबिलं यस्य तत्तथा / उच्चैर्भवनम्उच्चैरुन्नतानि साप्तभौमाप्टभौमानीति यावद्, भवनानि हाणि यस्मिस्तत्तथा / सभावनम्अवति रमति इत्यवनम् रक्षकम् नन्यादित्वादनः प्रत्ययः, सभायाः समितेर्लोकसमुदयस्येति यावदवनम् सभावनन् / “वर्णसाग्यमनुप्रासच्छेकवृत्तिगतो द्विधा / सोऽनेकस्य सकृत्पूर्व, एकस्याप्यसकृत् परः" इति मम्मटोपाध्यायकृतानुप्रासलक्षणे अनेकस्य सकृदावृत्तौ सत्यामेव छेकानुप्रासस्य सत्त्वप्रतिपादनादत्र 'वने' ति वर्णद्वयस्य सकृदावृत्तेरभावाच्छेकानुप्रासाभावेऽपि वृत्त्यनुप्रासोऽक्षत एवेति मन्तव्यम् / तव-प्रसिद्धम् / वनम्-काननम् / आमोदभरैः-सौरभातिशयः / दश-दशत्वसंख्याविशिष्टाः। दिशःआशाः, दिशा इति यावत् / अपूपुषत्-अपोषयत् / हरेण वैरे कविना व्यनीयत, सिसृक्षया तद्विजयैषिणाऽङ्गजः / स्मरेषुधीकृत्य धियाऽभयाधयाः, पदो प्रभोराश्रय तज्जयश्रियः // 11 // अन्वयः-स्मरः, प्रभोः, पदो, इषुधीकृत्य, धिया, अभयाधयाः, तज्जयश्रियः, आश्रय, (इति) हरेण, वैरे, (सति) तद्विजयषिणा, कविना, सिसृक्षया, अङ्गजः, व्यनीयत // 11 // वृत्तिा-स्मर !-स्मरन्त्यनेन जनः प्रियतमानिति स्मरः कामः तदामन्त्रणे हे स्मर ! हे मन्मथ ! ( त्वम् ) प्रभोः-ईशस्य भगवतः शान्तिनाथस्येति यावत् / पदौ-चरणौ / इषुधीकृत्यइषवो बाणा धीयन्तेऽनयोरिति इषुधी तुणीरो, अनीषुधी इषुधी कृत्वा इषुधीकृत्य तुणीरीकृत्येति यावत् / धिया-बुद्धया / अभयाधया:-अभयमासमन्ताद्धयन्तीत्यभयाधयाः / तज्जयश्रियः-वस्य शङ्करस्य जयश्रियो जयलक्ष्म्यस्तज्जयश्रियस्तास्तथा / आश्रय-समवलम्बस्व, प्राप्नुहीति यावत् / (इति
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |