Page Text
________________ -आचार्यविजयामृतसूरीश्वरकृतायां विद्वद्विनोदिन्यां प्रथमः सर्गः यशःप्रशस्यताम्-यशसः कीर्तेः प्रशस्यता श्रेष्ठता यशःप्रशस्यता तान्तथा / प्राप-प्राप्तवान् | भगवतः शान्तिनाथस्य कृपाभाजनतयैव नलः पुण्यश्लोको भवन्नद्यापि यशः कदम्बकशालितयाऽनामिकाधिष्ठिततया गण्यते लोके // 4 // द्विधापि धर्मानुगतिर्महीपतिदृढावधेः शैशव एव सेवधिः / क्रमेण चक्री विजये दिशां जिनः, स राशिरासीन्महसां महोज्ज्वलः // 5 // अन्वयः-द्विधा, अपि, धर्मानुगतिः, दृढावधेः, शैशवे, एव सेवधिः, क्रमेण, दिशाम् , विजये, चक्री, महीपतिः, सः, जिनः, महोज्ज्वलः, महसाम्, राशिः, आसीत् // 5 // वृत्तिः-द्विधाअपि-द्वाभ्यां प्रकाराभ्यां खलु न्यायोपनिषद्भ्यामपीत्यर्थः / धर्मानुगतिः-धर्मस्य पुण्यस्य अनुगतिरनुव्रजनं यस्मिन् स तथा,धर्मकर्तृकानुगमनवानिति यावत् / “धर्मो यमोपमापुण्यस्वभावाचारधन्वसु / सत्सङ्गेऽहत्यहिंसादौ न्यायोपनिषदोरपी" त्यनेकार्थः / दृढावधेः-दृढः-सर्वदा स्थायी, आकेवलज्ञानमवस्थायीति यावत् चासो, अवधिस्तज्ज्ञानम् दृढावधिस्तस्मात् ; दृढावधिरिति पाठोऽत्र समीचीनः प्रतिभाति, दृढशब्दोऽवधिशब्दश्च पूर्वार्थः, दृढोऽवधिर्यस्य स तथा / शैशवे-बाल्यावस्थायाम् / एव-खलु / सेवधिः-सेवा-भक्तजनकर्तृकशुश्रूषा धीयतेऽस्मिन्निति सेवधिः, व्याप्यादाधारे" 5 / 3.88 / / इत्यनेन आधारे किः प्रत्ययः / भक्तजनकर्तृकसेवाभाजनमित्यर्थः / यद्वा शैशवे-बाल्येऽपि / एव-नियमतः / दृढावधेः-प्रबलावधिज्ञानस्य / सेवधिः-निधिः-'निधानं तु कुनाभिः शेवधिनिधिः' 2 / 106 / इति हैमः, सेवधिरित्यपि / क्रमेण-क्रमशः / दिशाम्-आशानाम् / “दिशस्तु ककुभः काष्ठा आशाश्च हरितश्च ताः” 1 / 3 / 1 / / इत्यमर. कोशः / विजये-जये / चक्री-चक्रं, चक्ररत्नमस्यास्तीति चक्री / महीपतिः-पृथिवीश्वरः / सः-प्रसिद्धः शान्तिनाथः / जिन:-अहन् / महोज्ज्वल:-महैरुत्सवैरुज्ज्वलो दीप्यमानः महोज्वलः, एतेनोत्साहयुक्तत्वं व्यज्यते / यद्वा-महसा तेजसा प्रतापेन ज्वलतीति महोज्वलः / “अथोत्सवे / महः क्षणोद्धवोद्धर्षाः" 6 / 143 // इत्यभिधानचिन्तामणिः / महसां-तेजसां प्रतापानामिति यावत् गशिराश्रयः / यद्वा-महसां तेजसां राशिः * सूर्य इव स्थितः / लुप्तोपमा / “महस्तूत्सव तेजसोः" इत्यमरः / आसीत-अभूव // 5 // रसैः कथा यस्य सुधावधीरिणी, कृता सकृत् कृतन्ति दुष्कृतं नृणाम् / हिमाद्रिजाता लहरी नभस्वतः, क्षमातले तापमिवोगता स्वतः // 6 // ___ अन्वयः-यस्य, कथा, रसैः, सुधावधीरिणी, सकृत् , कृता, नृणाम् , दुष्कृतम, कृन्तति, हिमाद्रिजाता, स्वतः आगता, नभस्वतः, लहरी, क्षमातले, तापम् , इव // 6 //
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |