Page Text
________________ 196] श्रीजननैषधीयमहाकाव्ये श्रीशान्तिनाथचरित्र लताम्-वल्लीम् / वीक्ष्य-अवलोक्य / श्रिया-शोभया। सुराङ्गनाजिताम्-प्रशस्तान्यङ्गान्यस्य सन्तीति अङ्गनाः, सुराणां देवानामङ्गनाः सुराङ्गनास्ता जिता निजसौन्दर्येण पराजिता यया सा सुराङ्गनाजिता, तान्तथा / वियोजिताम्-विच्छेदिताम् , विप्रयोजितामिति यावत् / भीमसुताम्-भीमदुहितरम् / भीमपुत्रीमिति यावत् / सस्मार-दध्यौ, स्मृतिपथमानयदिति यावत् // 8 // स्मरार्धचन्द्रेषुनिभे ऋशीयसां, समापतत्पान्थनृणां कदम्बके / प्रभुः पलाशे तुलनामदीदृशद्, गलजरद्वस्त्रितपत्रसङ्करे // 81 // अन्वयः- प्रभुः, क्रशीयसाम् , समापतत्पान्थनृणाम् , कदम्बके, स्मरार्धचन्द्रेषुनिभे, गलज्जरद्वस्त्रितपत्रसङ्करे, पलाशे, तुलनाम् , अदीदृशत् // 81 // वृत्तिः-प्रभुः-प्रकर्षेण प्रकृष्टगुणशालितया भवतीति प्रभुभंगवान् शान्तिनाथ इति यावत् / क्रशीयसाम्-अतिशयेन कृशाः क्रशीयांसस्तेषान्तथा, कृशतराणामिति यावत् / समापतत्पान्थनृणाम्पन्थानं नित्यं गच्छन्तीति पान्थाः पथिकाः प्रवासिन इति यावत् , ते च ते नरो मानवाः पान्थनरः समापतन्तः सम्यक्पतनशीलाश्च ते पान्थनरः समापतत्पान्थनरस्तेषान्तथा / कदम्बके-निकुरुम्बे समूहे इति यावत् / स्मरार्धचन्द्रेषुनिभे-अर्धचन्द्रस्य चन्द्रार्धस्य आकारोऽर्धचन्द्राकारः, स चासाविषुर्बाणोऽर्धचन्द्रेषुः, "मयूरव्यंसकेत्यादयः” 3 / 1 / 116 / / इत्यनेन शाकपार्थिवादेराकृतिगणत्वादाकारपदस्य लोपः स्मरस्य कामस्य, अर्धचन्द्रेषुः स्मरार्धचन्द्रेषुस्तन्निभस्तत्शदृशः स्मरार्धचन्द्रेषुनिभस्तस्मिंस्तथा / गलज्जरवखितपत्त्रर करे-गलद्विगलञ्च तज्जरज्जीर्णतामादधद् गलज्जरत्, “शीतोष्ण" मित्यादिवद्यथाकथञ्चिद्गुणप्रधानभावमादाय समासः,गलज्जरञ्च तद्वस्त्रम् वसनम् गलज्जरद्वस्त्रम् तद्वदाचरितम् गलज्जरद्वलितम् तादृशम् पत्त्रम् दलम् छदनमिति यावत् , गलज्जरद्वस्त्रितपत्त्रम् , तेन सङ्कीयते व्याप्यते इति गलजर द्वखितपत्त्रसङ्करस्तस्मिंस्तथा। अथवा वस्त्रमिवाचरितम् वनितम् , वस्त्रितश्च तत्पत्त्रम् वखितपत्त्रम्, गलज्जरच्च तद्वस्तिपत्त्रम् गलज्जरद्वत्रितपत्त्रम् , तेन सङ्करः सङ्कीणः, व्याप्त इति यावत्, गलज्जरद्वस्त्रितपत्त्रसङ्करस्तस्मिंस्तथा इति व्युत्पत्तिरनुसरणीया / पलाशे-पलं मांसमश्नाति भक्षयतीति पलाशः, पलाश इव पलाशः तस्मिंस्तथा / तुलनाम्-सादृश्यम् / अदीदृशत्-अलू लुकत् // 8 // वियुक्ततापत्रधनविनाशने, स्फुटं पलाशेऽध्वजुषां पलाशनात् / . मुखेऽपि मालिन्यदशा ह्यमन्यता-ऽमुनोचिता पातकचिन्तयाऽध्वनि // 2 // अन्वयः-वियुक्ततापत्त्रधनैः, विना, अशने, ( सत्यपि ) पलाशनात् , स्फुटम् , पलाशे, अध्वजुषाम् , मुखे, अपि, अध्वनि , पातकचिन्तया , उचिता, मालिन्यदशा, अनेन, हि, अमन्यत // 82 //
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |