Page Text
________________ -आचार्यविजयामृतसूरीश्वरकृतायां विद्वद्विनोदिन्यां तृतीयः सर्गः [175 प्रभूतदूतैरपि यः कृताहवो ऽप्यनाश्रवोऽभूत् पुरुहूतविक्रमः / तदत्ययः प्रत्ययतः कृतोऽमुना, वितत्य वात्यामयचक्रचंक्रमान् // 40 // अन्वयः-प्रभूतदूतः, अपि, कृताहवः, अपि, यः, पुरुहूतविक्रमः, अनाश्रवः, अभूत् , अमुना, प्रत्ययतः, वात्यामयचक्रचक्रमान् , वितत्य, तदत्ययः, कृतः // 40 // वृत्तिः-प्रभूतदतैः-प्रभूताः प्रचुराः बहव इति यावत् च ते दूता दूत्यव्यापारपारङ्गमाः, किङ्करा इति यावत् , प्रभूतदूतास्तैस्तथा / बहुभिभृत्यैरिति यावत् / अपि-सम्भावनायाम् / कृताहव:कृतो विहित आहव आह्वानं यस्य स तथा / अपि-सम्भावनायाम् / यः-अयुक्तानुष्ठानादनिर्दिष्टनामधेयः कश्चित् / पुरुहूतविक्रमः-पुरु प्रभूतं हूतं आह्वानं यस्य स पुरुहूत इन्द्रस्तस्य विक्रम इव विक्रमः पराक्रमो यस्य स तथा / इन्द्रतुल्यपराक्रमविशिष्ट इति यावत् / अनाश्रवः-वचनस्थितः आज्ञाकारीति यावदाश्रवः न आश्रवोऽनाश्रवः वशवर्तित्वाभाववान् इति यावत् / अभृत्-अभवत् / अमुना-प्रतिपक्षपक्षविध्वंसनपटीयसा, भगवता शान्तिनाथेनेति यावत् / प्रत्ययतः-सम्मुखगमनात् / वात्यामयचक्रचक्रमान्-वातानां पवनानां समूहो वात्या, सा प्रचुराऽस्त्यत्रेति वात्यामयम् तच्च तञ्चक्रम् 'अस्त्रविशेषः' वात्यामयचक्रम् , तस्य चक्रमाश्चक्रमणानि वात्यामयचक्रचंक्रमास्तान तथा वितत्य-विस्तीर्य / तदत्ययः-तस्य प्रभूतदूतद्वारेण आह्वाने कृतेऽप्यनाश्रवस्य पुरुहूतविक्रमस्य राज्ञोऽत्ययो ध्वंसः, विनाश इति यावत् तदत्ययः। कृतः-विहितः // 40 // विवेश गत्वा स विलासकाननं, विहारयुक्तं मुनिराजिराजितम् / तदन्तिके पातककर्मणोऽन्तके, न के चिदानन्दविदस्तदानके ? // 41 // अन्वयः-सः, मुनिराजराजितम् , विहारयुक्तम् , विलासकाननम् , गत्वा, तदन्तिके, विवेश, पापकर्मणः, अन्तके, तदानके, के, न, चिदानन्दविदः, // 41 // वृत्तिः-सः-सकलगुणगणशालितया चक्रवर्तित्वादिना वा प्रसिद्धः, भगवाजशान्तिनाथ इति यावत् / मुनिराजिराजितम्-मुनीनां श्रमणानां राजयः श्रेणयो मुनिराजयस्ताभी राजितम-शोभितम् मुनिराजराजितम् / विहारयुक्तम्-विहरन्त्यत्र जना इति विहारो जिनमन्दिरम् तेन युक्तम् विहारयुक्तम् / विलासकाननम्-विलासस्य क्रीडायाः काननम्-वनम् विलासकाननम् ,यद्वा-विलासस्य प्रयोजकम्-विलास प्रयोजकम् तच्च तत्काननम् विलासकाननम् 'मयूरव्यंसकेत्यादयः" 3 / 1 / 116 / इत्यनेन शाकपार्थिवादेराकृतिगणत्वान्मध्यमपदलोपी समासः / गत्वा-सम्प्राप्य / तदन्तिके-तेषां मुनीनामन्तिकम् समीपम् तदन्तिकम् तस्मिँस्तथा / सर्वनाम्नां प्रधानपरामर्शित्वात् प्रकृते समासेऽप्रधानीभूतस्य मुनेः परामर्शकत्वमनु
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |