Page Text
________________ 98] श्रीजननषधीयमहाकाव्ये श्रीशान्तिनाथचरित्रे अन्वयः-चक्री, त्रिजगजयिश्रियौ, प्रियम् , च, प्रियाम् , स्वरूपेण, शचीपुरन्दरौ, नरौ, ददर्श, नमसः, अवतीर्य, कृताञ्जली, तो, भूमिभुजम् , प्रणेमतुः // 25 // वृत्तिः-चक्री-चक्रं राष्ट्रमस्त्यधीनतयाऽस्येति चक्री, चक्रवर्ती सार्वभौम इति यावत् , भगवाञ्छान्तिनाथ इति शेषः / त्रिजगजयित्रियौ-त्रयाणां जगतां समाहारखिजगत् , त्रिभुवनमित्यर्थः तज्जयत्यभिभवतीत्येवंशीला श्रीः शोभा ययोस्तौ त्रिजगज्जयिश्रियौ / प्रियम्-प्रीणातीति प्रियः प्रेयान् दयित इति यावत् तन्तथा। च-पुनः / प्रियाम्-कान्ताम् दयितामिति यावत् / स्वरूपेण-आकारेण / शचीपुरन्दरौ-पुलोमजासहस्राक्षौ / इन्द्राणीपुरुहूततुल्यावित्यर्थः। नरौ-पुमासौ / ददर्श-अवलोकयामास, चाक्षुषप्रत्यक्षविषयतामापेति यावत् / नमस:-आकाशात् / “विहाय आकाशमनन्तपुष्करे""। खं द्यौ दिवौ विष्णुपदं वियद् नभः" 2 / 77 // इत्यभि० चि० / अवतीर्य-अवरुह्य / कृताञ्जली-कृतो विहितोऽञ्जलिः संयुक्तकरद्वयं याभ्यान्तौ तथा / “तौ युतावञ्जलिः पुमान्" इत्यमरः / सन्तावितिशेषः / तौ-शचीपुरन्दराकारनरौ / भमिभुजम्-भूमि पृथिवीं भुनक्ति पालयतीति महीमुक् तन्तथा / राजाधिराज भगवन्तं शान्तिनाथमिति यावत् / प्रणेमतुः-प्रणतवन्तौ, प्राणमतामिति यावत् // 25 // विनिन्यतुस्तावृषभाद्रिमीश्वरं, लिखाधिलीलागृहभित्तिकावपि / / स्वनामसंसाधितभारतक्षितिः, क्षितीश ! वाचेत्युचितं तमूचतुः // 26 // अन्वयः-को, अपि, तो, ईश्वरम् , ऋषभाद्रिम् , विनिन्यतुः, च, उचितम् , वाचा, तम् , इति, ऊचतुः, क्षितीश !, संसाधितभारतक्षितिः, (त्वम् ) अधिलीलागृहभित्ति, स्वनाम, लिख, // 26 // वृत्तिः-कौ.अपि-अनिर्वचनीयस्वरूपौ कौचिती तौ चक्रिणाऽनुपलक्षितौ शचीन्द्रावितियावत्। ईश्वरम्-चक्रिणम् , भगवन्तं शान्तिनाथमिति यावत् / ऋषभाद्रिम्-ऋषभकूटम् / विनिन्यतुःप्रापयामासतुः / च-पुनः / उचितम्-साम्प्रतं यथा स्यात्तथा / वाचा-गिरा / तम्-भगवन्तं शान्तिनाथम् / इति-वक्ष्यमाणप्रकारेण / ऊचतु:-कथयामासतुः / इतीति किमित्याह / क्षितीश !भूनायक ! / संसाधितभारतक्षितिः-संसाधिता-स्वाज्ञावशवर्तिनी कृता भारतक्षितिः भारतवर्षाख्यैतहेशीयभूमिर्येन स तथा / ( त्वम्-भवान ) अधिलीलागृहभित्ति-लीलागृहस्य क्रीडनकागारस्य भित्तिः कुड्यं लीलागृह भित्तिः, तस्यामितीत्यधिलीलागृह भित्ति / विभक्त्यर्थेऽव्ययीभावः समासः / स्वनामस्वस्य आत्मनो नाम अभिधानम् , स्वं स्वीयं नाम-अभिधानं स्वानामेति वा / "स्वः स्यात्पुंस्यात्मनि ज्ञातौ त्रिष्वात्मीये धनेऽस्त्रियाम्" इत्यमरः / लिख-अक्षरात्मतया विनिवेशय // 26 / /
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |