Page Text
________________ 90] श्रीजननषधीयमहाकाव्ये श्रीशान्तिनाथचरित्रे अन्वयः-दिने दिने, अवसरेषु बन्दिनाम् , मुखात् , निशान्ते, ( सति ) वरदामधाम्नि, अपि, प्रभासम् , एत्य, तदिशोर, अवश्यम् , वश्यकर्मणे, अमुना, खल, सा, व्यधीयत // 10 // वृत्तिः–दिने दिन-प्रतिदिनम् , वीप्सायां द्विर्भावः / अवसरेषु-समयेषु / बन्दिनाम्बन्दनशीलानाम् , स्तुतिपाठकानामितियावत् / मुखात्-वदनतः। निशान्ते-निशाया रात्रेरन्तोऽवसानं यतो यत्रेति वा निशान्तम्-प्रभातम् तस्मिंस्तथा, लक्षणया जागृताविति, तत्तदवसरचर्यावबोध इति. भावः / सतीति शेषः / वरदामधाम्नि-तदभिधानविश्रुतदक्षिणोदधिमध्यवर्तिनि तीर्थे / अपि-पुनः / प्रभासम्-तन्नामख्यातपश्चिमपारावारवर्ति तीर्थम् / एत्य-समागत्य / तदिशोः-वरदामप्रभासदेवताधिष्ठितदक्षिणपश्चिमदिशयोः / अवश्यम्-ध्रुवम् / वश्यकर्मणे-वशीकरणकरणाय / अमुना-विप्रकृष्टतया दृश्यमानेन पञ्चमचक्रिणा भगवता श्रीमता शान्तिनाथेन / खलु-नूनम् / सा-आचारपरम्पराप्राप्ता उपासना / अष्टमादिविधिचर्या / व्यधीयत-अकारि / मागधदेवमायत्तीकृत्य राजराजेश्वरो वरदामप्रभाससुरौ वशीकरोतीतिभावः // 10 // तटं दधानो निकटं स सैन्धर्व, धवः क्षितेः साधनया धनार्जनः। पठत्सु तेषु प्रतिभूपतीनलं, जिगाय देशेषु पुरस्सरेष्वतः // 11 // ____ अन्वयः-अतः, निकटम् , सैन्धवम् , तटम् , दधानः, साधनया, धनार्जनः, क्षितेः, धवः, सः, तेषु, पठत्सु, पुरस्सरेषु, देशेषु, प्रतिभूपतीन् , अलम् , जिगाय // 11 // वृत्तिः-अतः-वरदाम-प्रभासतीर्थयोरुपुपासनासम्पादनादेव / निकटम-समीपस्थम् / सैन्धवम्-सिन्धोः सरितोऽयं सैन्धवस्तन्तथा / तटम्-तीरम् / दधानः-धारयन् , समाश्रयन्निति यावत् / साधनया-साधनात्मकयोगेन / धनार्जनः-धनं वित्तमर्जयत्युपार्जयति इति धनार्जनः / क्षितेः-पृथिव्याः / धवः पतिः, स्वामीति यावत् / सः-प्रसिद्धः, राजाधिराजो भगवाञ्छान्तिनाथ इति यावत् / तेषु-पूर्वोक्तेषु वन्दिषु / पठत्सु-स्तुतिपाठमुच्चारयत्सु / पुरस्सरेषु-अग्रेतनेषु / देशेषुमण्डलेषु / “देशो जनपदो नीवृद् राष्ट्र निर्गश्च मण्डलम्"।४१३॥ इत्यभि०चि० / प्रतिभूपतीन्-प्रतिपक्षाःशत्रुभूता भूपतयो राजानः प्रतिभूपतयस्तास्तथा / अलम्-पर्याप्तं यथा स्यात्तथा। जिगाय-जितवान् वशीचकारेति यावत् / मागधादितीर्थत्रयं विजित्य सिन्धुनदीतटवर्तिनीवृतोऽजयदितिभावः / / 11 / / उपत्यकास्थायिनृपालिरुद्धता कृताधिसेनानिरणा प्रणाशभाक् / वने गतापीश हयागमं भयाद्,विनिद्ररोमाऽजनि शृण्वती नलम् // 12 //
| SR No. | 004339 |
| Book Title | Shantinath Charitram |
| Original Sutra Author | Amrutsuri |
| Author | Abhaydevsuri |
| Publisher | Jain Sahitya Vardhak Sabha |
| Publication Year | 1965 |
| Total Pages | 388 |
| Language | Sanskrit |
| Classification | Book_Devnagari |
| File Size | 8 MB |