Page Text
________________ टिप्पणपञ्जिकाकुसुमोद्गमाविटीकात्रयोपैतम् न्यायकन्दली साक्षाद्विरोधि'प्रतिपादनद्वारेण चाभावप्रतिपादनमेव वियोजनमिति चेद्रजताभावे प्रतिपादिते रजतज्ञानस्य का क्षतिरभत ? न ह्यस्य रजतस्थितिकरणे व्यापारः, अपि त्वस्य प्रकाशने, तच्चानेन 'जायमानेनेव कृतमिति पर्यवसितमिदं कि बाध्यते ? रजताभावप्रतीतौ पूर्वोपजातस्य रजतज्ञानस्य अयथार्थतास्वरूपं प्रतीयते इत्येषा क्षतिरभूत् / नन्वेवं 'फलापहार एव बाधः, अयथार्थतावगमे सति ज्ञानस्य व्यवहारामङ्गत्वात् / मैवम् / फलापहारस्य विषयापहारनान्तरीयकत्वात् / न तावज्ज्ञानस्य सर्वत्र फलनिष्ठता, तस्य पुरुषेच्छाधीनस्यानु पजननेऽयुपेक्षासंवित्तेः पर्यवसानात् / यत्रापि 'फलाथिता, तत्रापि फलस्य विषयप्रतिबद्धत्वादिषयस्य च ज्ञानप्रतिबद्धत्वाद्विषयापहार एव ज्ञानस्य बाधो न फलापहारः, तस्य विषयापहारनान्तरीयकत्वादिति कृतं ग्रन्थविस्तरेण संग्रहटीकायाम् / [पं०] ज्ञानान्तरे इति (कं. 159.6) शुक्तिकेयमित्येवंरूपे। श्रीधरवाक्यं विज्ञाने प्रतिभातं तदिति चेदिति (कं. 159.7) / परवाक्यं सत्यमित्यादि (कं. 159.8) / श्रीधर आशङ्कयते वस्तुवत्येत्यादि (कं. 159.9) / तस्येति (कं. 159.10) रजतस्य / साक्षाविति (कं. 159.10) यथा नेदं रजतम् / 'विरोधिप्रतिपादनद्वारेणेति (कं. 159.10) यथा शुक्तिशकलमिदम् / परवाक्यं रजताभाव (कं. 159.11) इत्यादि / अस्येति (कं. 151.12) मिथ्यात्वाभिमत रजतज्ञानस्य / उत्तरं रजताभावप्रतीतौ (कं. 159.13) इत्यादि / परवाक्यं नन्वेव(कं. १५९.१४)मित्यादि / फलापहार एवेति (कं. 159.14) न तु विषयापहार इत्यर्थः / सूरिंराह "नैवं फला[प]हारस्येत्यादि (कं. 159.15) / तस्येति (कं. 159.16) हानोपादानलक्षणस्य फलस्य / उपेक्षासंवित्तेरिति (कं. 159.17) हानोपादानपरिहारेण / [कु०] वस्तुवृत्त्येति (कं. 159.9) / "सा चायमनुक्तोपालम्भा। बाधो नाम पूर्वज्ञानस्यायथार्थप्रत्यय एवेति परिहरति रजताभावप्रतीताविति (कं. 159.13) / बाधकार्ये बाधभ्रान्त्या चोदयति नन्वेवमिति (कं. 159.14) / विशेषणापहारनान्तरीयकत्वादिति भावः / कुतोऽयं निश्चय इत्यत आह न तावदिति (कं. 159.16) / नन्वेवमप्ययथार्थताप्रत्ययः फलापहारश्वोभयमपि यथादर्शनं 1 साक्षाद्विरोधिप्रतिपादनमेव-कं. 1, कं. 2 / 2 मिथ्यात्वाभिमतरजतज्ञानस्य-टिप्पण-जे. 3 / 3 जायमानेन -कं. 1, कं. 2 / 4 फलापहार एवायथार्थतावगमे - जे. 1, जे. 2, जे. 3 / 5 नैवम् -जे. 1, जे. 2, जे. 3 / 6 नुपजनेऽपि-जे.२। 7 फलार्थता-जे.२। 8 विषयस्य ज्ञान-कं.१, कं.२। 9 विरोधिप्रतिपादनमेव-कं / 10 मैवम्-कं। 11 स वाऽय-MS
| SR No. | 004336 |
| Book Title | Nyayakandali |
| Original Sutra Author | N/A |
| Author | J S Jetly, Vasant G Parikh |
| Publisher | Oriental Research Institute Vadodra |
| Publication Year | 1991 |
| Total Pages | 748 |
| Language | Sanskrit |
| Classification | Book_Devnagari |
| File Size | 16 MB |