Page Text
________________ श्री हंसविजयविरचिते दूरीकृतो, बालिशेन तु रक्षितः, ततः कोविदः शुभाशुभेषु शब्देषु तोषं द्वेषं वा न धत्ते, बालिशस्तु सङ्गदास समनुन्नोऽनिष्टशब्दं द्वेष्टि, इष्टशब्दे प्रीतिं याति / श्रुतिपरवशस्य धनवाहनस्य दुर्दशा, अकलङ्कमुनेः निष्फलाः प्रतिबोधनप्रयत्नाः। ___ एकदा तुङ्गशिखराख्यबाह्यगिरौ कोविद-बालिशौ क्रीडार्थं गतौ, तत्रैकस्यां गुहायां किन्नरमिथुनगानमाकर्ण्य श्रुतिपरवशात् कोविदेन निषिद्धोऽपि बालिशस्तच्छ्वणार्थं . गुहायां प्रविष्टः / ततो मर्मावलोकन-कोपाद् रुष्टेन किन्नरेण हतो बालिशः, तद्-दृष्ट्वा प्राप्तवैराग्येन कोविदेन सदागममापृच्छ्य संयमं जगृहे / शृणु धनवाहननरेश ! सोऽहं कोविदः सदागमसेवनात् प्राप्तः स्व-स्वभावजं परमशर्म, ततोऽन्येनाऽपि सुखैषिणा सदागमसेवापरेण भाव्यमित्यादि-गुरुवचनादकलङ्कानुराधोच्च पुनरधीतं मया चैत्य- . वन्दनादिकं किञ्चिच्छुतम् / आदृता काचिद् द्रव्यश्रावकक्रिया, इत्थं मां मार्गे स्थापयित्वा अकलङ्कादिमुनिकलिताः सूरयोऽन्यत्र विजहः / कियद् दिनान्तरे पुनरपि मोहपरिग्रह-नुन्नेन त्यक्तो मया सदागमः, परिणीतानि स्त्रीणां शतानि, प्रवर्त्तितानि राज्यवृद्धितृष्णया महापापानि। दैवादत्राऽन्तरे मम प्राणेभ्योऽतिवल्लभा मदनमञ्जरी पट्टराज्ञी मृता, ततो. मोहराजभटेन शोकनाम्नाऽऽक्रान्तोऽहं, तद्वशाच्छिरोघात-रुदन-विलापादिका प्रवृत्तः / परिहृतखान-पाना-ऽलङ्कारादिपरिभोगो निःश्वासैरेव दिनानि गमयामि / अथैवं मां शोकाक्रान्तं श्रुत्वाऽकलङ्कमुनि-र्गुरुमापृच्छ्य मत्प्रतिबोधायाऽऽगतस्तेनाऽनित्य-भावनामया नानोपदेशा दत्ताः, परं तेऽन्धदीप-न्यायाद् विफलीभूताः, पुनस्तेनोक्तं- "हे धनवाहन ! मरणं प्रकृतिः शरीरिणां, विकृतिर्जीवनमुच्यते बुधैः / क्षणमप्यवतिष्ठन्ते श्वसन यदिजन्तुर्ननु लाभवानसौ // 1 // तन्न युक्तमनित्यवस्तुनि शोककरणं इत्याद्यनेकोपदेशश्रवणात् मन्दीकृतो मया शोकः, किञ्चिदपसृतौ च तदा मोह-परिग्रहौ, पुनरागतो मदन्तिके सदागमः, स्मृतं च पूर्वाधीतं श्रुतं, ततः कारितानि मया जिनभवनबिम्बप्रतिष्ठा-तीर्थयात्रा-स्नात्रोत्सवादि-द्रव्यस्तवकृत्यानि, परिहतानि च परपराभवकोप-दुर्जनसङ्ग-मृषाभाषण-स्तेय-मिथ्याभिमान- परदाराभिलाष-पराऽवर्णवादादीनि, आदृतानि च दया-ऽनुकम्पा-गुणानुराग-सुकृताऽनुमोदन-परोपकार-देवगुरुपूज्यस्वजना-नुवर्तन-शासनप्रभावन-दान-शीलादीनि, न करोमि कुलमर्यादातिक्रम, नाऽऽचरामि लोकविरुद्धं, नोद्धाटयामि परमर्मादि, करोमि साधुसेवा श्रुताभ्यास-पुस्तक पूजा-शास्त्र-श्रवणादीनि, जपामि परमेष्ठिनमस्कारं, विदधामीन्द्रियजयोद्यम, निन्दामि दुष्कृतं, सुकृतं चाऽनुमोदयामि, प्रवर्तयामि स्वदेशे न्याय-नीतिम् /
| SR No. | 004309 |
| Book Title | Upmiti Kathoddhar |
| Original Sutra Author | N/A |
| Author | Munichandrasuri |
| Publisher | Omkar Gyanmandir Surat |
| Publication Year | 1981 |
| Total Pages | 146 |
| Language | Sanskrit, Hindi |
| Classification | Book_Devnagari |
| File Size | 17 MB |