________________ विशतितमी दृष्टिप्रबोधद्वात्रिंशिका रूपादिमानं द्रव्यं च पिण्ड एको विकल्पवान् / समस्त-व्यस्तवृत्तिभ्यामर्थपरिणतेरपि // 21 // सदसत्सदसन्नेति कार्य-कारणसंभवः / अनित्य-नित्यशून्यत्वे शेषमित्युपपादितम् // 22 // अवस्थितं जगत् सत्त्वाद् हेत्वसत् प्रक्रियात्मकम् / 'धर्माधर्मस्वभावेष्टिपुरुषार्थनिमित्ततः // 23 // समग्रविकलादेशत्यागाभिप्रायतत्कथा / सामान्यव्यासतः शैक्ष्यविपक्षाचार्यशक्तितः // 24 // द्वीपवेलोदधिव्याससंख्या भोगविभूतयः / स्वर्गापायानुभागाश्च सनिमित्ता यथेष्टतः // 25 // ज्ञानाचारविशेषाभ्यामाचाराङ्क्रियते जनः / स नात्युत्तानगम्भीरः सुख-दुःखात्ययोऽहितः // 26 // दृष्टान्तश्राविकैर्लोकः परिपक्तिशुभाशुभैः / सुखार्थ-संशयप्राप्तिप्रतिषेधमहाफलैः // 27 // ज्ञानात् कृत्स्नेष्टधर्मात्मपरमेश्वरतः शिवम् / कर्मोपयोगवैराग्यं धामप्राप्तिश्च योगतः // 28 // पृथक् सहाविनिर्भागैर्दया-वैराग्यसंविदाम् / ऐश्वर्यमोक्षोपशमसमावेशविकल्पतः // 29 // आगमाभ्युदय-ज्ञान-योगाध्याहार-धारणा / / . भावना-प्राणसंरोध-कृच्छ्रयत्नव्रतानि च // 30 //
