________________ 628. . श्रीसिद्धसेनदिवाकरप्रणोता mmmmmmmiwww वपुर्यन्त्रजिता दोषाः पुनरभ्यासहेतवः / प्रसंख्याननिवृत्तास्तु निरन्वयसमाधयः // 9 // यथा निर्दिश्य संयोगाद् वाताद्या रोगभक्तिषु / तथा जन्मसु रागाद्या भावना-दरमात्रयोः // 10 // यात्रामात्राशनोऽभीक्ष्णं परिशुद्धनिभाशयः / विविक्तनियताचारः स्मृतिदोषैर्न बाध्यते // 11 // आदेश-स्मरणाक्षेपप्रायश्चित्तानुपक्रमाः / / यथारसं प्रयोक्तव्याः सिद्धयसिद्धिगतागतैः // 12 // परप्रशंसास्वक्षेपो विपरीतमुपेक्षितः / . उत्कर्षापकर्षों चैता विन्योन्नयजातयः // 13 // स्वास्थ्यात् पदत्रयावृत्त्ययोनयः स्थानवर्त्मनः / शैक्षदुर्बलगीतार्थगुरूणामर्थसिद्धये // 14 // आसेवनपरीहारपरिसंख्यानशान्तयः / परीषहा वपुर्बुद्धिनिमित्तासमकल्पकाः // 15 // असूया-क्षेप-कौकुच्य-परिहास-मिथःकथाः / स्वैरस्वापासनाहारचर्याः पश्यन् निवारयेत् // 16 // विनीतैर्भावविज्ञान-नानारसकथासुखः / विश्रंसनमनिर्दिष्टमनर्थ साध्य-साधयोः // 17 // उत्क्षेपासंगविक्षेपाः शब्दादित्याग-भोगयोः / तयोरनियमः श्रेयान् पुरुषाशयशक्तितः // 18 // : ' प्रागेव साधनन्यासः कष्टं कृतमतेरपि / कृच्छ्रोपार्जनभिन्नं हि कार्पण्यं भजते जनः // 19 //
