________________ मूलदेव-कहा 2 63 च परोप्परमेगरज्जं। अच्छए मूलदेवो तीए सह विसयसुहमणुहवंतो जिणभवणबिंबकरणपूय-णतप्परो त्ति। इओ य सो अयलो पारसउले विढविय घहयदव्वं पवरं भंडं भरेऊण आगओ विन्नायडं। आवासिओ य बाहिं। पुच्छिओ लोगो-किं नामाभिहाणो एत्थ राया? कहियं च-विक्कमराओ त्ति। तओ हिरन्नसुवन्नमोत्तियाणं थालं भरेऊण गओ राइणो पेक्खगो। दवावियं राइणा आसणं, निसन्नो पच्चमिन्नाओ य। अयलेण य न नाओ एसो। रन्ना पुच्छिओ-कुओ सेट्ठी! आगओ? तेण भणियं -पारसउलाओ। रन्ना पूइएण अयलेण भणियं-सामि! पेसेह उवरिगो जो भंडं निरूवेह। तओ राइणा भणियं-अहं सयमेवागच्छामि। तओ पंचउलसहिओगओ राया। दंसियं वहणेसु संख-फोप्फल-चंदणा-ऽगरु-मंजिट्ठाइयं भंडं। पुच्छियं पंचउलसमक्खं राइणा-भो सेट्टि एत्तियं चेव इमं? तेण भणियं -देव! एत्तियं चेव। राइणा भणियं-करेह सेट्ठिस्स अद्धदाणं परं मम समक्खं तोलेह चोल्लए। तोलियाई पंचउलेण। भारेण य पायप्पहारेण य वंसवेहेण य लक्खियं मंजिट्ठमाइमझगयं सारभंडं। राइणा उक्केल्लावियाई चोल्लयाई निरूवियाई समंतओ, जाव दिटुं कत्थइ सुवन्नं कत्थई रुप्पयं कत्थइ मणि-मोत्तिय-पवालाइ महग्धं भंडं। तं च दट्ठण रुटेण नियपुरिसाण दिन्नो आएसो-अरे! वंधइ पच्चक्खं चोरं इमं ति। वद्धो य थगथगिंतहियओ तेहिं। दाऊण रक्खवाले जाणेसु गओ राया भवणं। सो वि आणिओ आरक्खिगेण रायसमीवं। गाढं वद्धं च दट्ठण भणियं राइणा-रे! छोडेह छोडह। छोडिओ अणेहि। पुच्छिओ। राइणा-परियाणेसि नमं? तेण भणियं-देव! सयलपुहविविक्खाए महाणरिंदे को न याणइ? राइणा भणियं-अलं उवयारभासणेहिं, फुडं साहसु जइ जाणसि। अयलेण भणियं-देव! ण याणामि सम्म। तओ राइणा वाहराविया देवदत्ता। आगया वरच्छर व्व सव्वंगभूसणधरा विन्नाया अयलेण। लज्जिओ मणम्मि वाढं। भणियं च तीए-भो! एस सो मूलदेवो जो तुमे 'भणिओ तम्मि काले-ममावि कयाइ विहिजोगेण वसणं पत्तस्स उवयारं करेज्जइ, ता एस सो
