________________ 62 ) प्राकृत पाठ-चयनिका तओ उदारं विसयसुहमणुहवंतो चिट्ठइ। आढत्तो उज्जेणिसामिणा वियारधवलेण सह संववहारो, जाव जाया परोप्परं निरंतरा पीई। इओ य देवदत्ता तारिसं विडवणं मूलदेवस्स पेच्छिय विरत्ता अईव अयलोवरि। ततो निव्भच्छिओ अयलो- 'भो! अहं वेसा, न उण अहं तुज्झ कुलघरिणी, तहा वि मज्झ गेहत्थो एवंविहं ववहरसि, ता मामिच्छाए ण पुणो खिज्जियव्वं' ति भणिय गया राइणो सयासं। भणिओ य निवडिय चलणेसु राया-सामि ! तेण वरेण कीरउ पसाओ। राइणा भणियं-भण, कओ चेव तुज्झ पसाओ? किमवरं भणीयइ? देवदत्ताए भणियं-ता सामि! मूलदेवं वज्जिय ण अन्नो पुरिसो मम आणावेयव्वो, एसो अयलो मम घरागमणे निवारेयव्वो। राइणा भणियं-एवं, जहा तुज्झ रोयए, परं कहेह को पुण एस वुत्तंतो? तओ कहिओ माहवीए। रुट्ठो राया अयलोवरि। भणियं च-भो! मम एईए नयरीए एयाइं दोन्नि रयणाइं ताई पि खलीकरेइ? एसो तओ हक्कारिय अंबाडिओ भणिओ-रे! तुमं एत्थ राया जेण एवंविहं. ववहरसि? ता निरूवेहिं संपयं सरणं, करेमि तुह पाणविणासं। देवदत्ताए भणियं -सामि! किमेइणा सुणहपाएण पडिखद्धेणं? ति, ता गुंचह एवं। राइणा भणिओ - रे! एईए महाणुभावाए वयणेणं छुट्टो संपयं, सुद्धी उण तेणेवेह आणिएणं भविस्सई। तओ चलणेसु निवडिऊण निग्गओ रायउलाओ। आढत्तो गवेसिउं दिसोदिसिं। तहावि न लद्धो। तओ तीए चेव ऊणिमाए भरिऊण भंडस्स वहणाइं पत्थिओ पारसउलं। इओ य मूलदेवेण पेसिओ लेहो कोसलियाइं च देवदत्ताए तस्स राइणो य। भणिओ य राया-मम पयईए देवदत्ताए उवरि महंतो पडिबंधो, ता जइ एईए अभिरुचियं तुम्ह वा रोयए ता कुणह रसायं, पेसेह एय। ततो राइणा भणिया रायदोवारिगा-भो! किमेयमेवंविहं लिहियं विक्कमराएणं? किं अम्हाणं तत्स य कोइ अत्थि विसेसो? रज्जं पि सव्वं तस्सेयं किं पुण देवदत्ता? परं इच्छउ सा। तओ इक्कारिया देवदत्ता कहिओ वुत्तंतो-ता जइ तुम्ह रोयए ताहे गम्मउ तस्स सगासं। तीए भणियं-महापसाओ, तुम्हाऽणुन्नायाण मणोरहा एए अम्हं। तओ महाविभवेणं पूइऊण पेसिया गया य। तेण वि महाविभूईए चेव पवेसिया। जायं
