________________ मूलदेव-कहा 59 पच्छा मे दाही। भट्टो वि भुजित्ता वंधिऊण थइयं पयट्टो। मूलदेवो वि 'नूणं अवरण्हे दाहि' त्ति चिंतितो अणुपयट्टो। तत्थ वि तहेव भुत्तं, न दिन्नं तस्स। 'कल्लं दाहि' त्ति आसाए गच्छइ एसो। वच्चंताण य आगया रयणी। तओ वट्टाओ ओसरिऊण वडपायवहेद्रओ पसुत्ता। पच्चूसे पुणो पत्थिया, मज्झण्हे तहेव थक्का, तहेव भुत्तं टक्केण, न दिन्नं एयस्स। जाव तइयदियहे चिंतियं मूलदेवेण -नित्थिन्नप्पाया अडवी, ता अज्ज अवस्सं ममं दाही एस। जाव तत्थ वि न दिन्न। नित्थिन्ना य तेहिं अडवीं। जावाओ दोण्ह वि अन्नन्नवट्टाओ। तओ भट्टेण भणियं-भो! तुज्झ एसा वट्टा समं पुण एसा, ता वच्च तुमं एयाए। मूलदेवेण भणियं-भो भट्ट ! आगओ अइं तुज्झ प्पभावेणं, ता मज्झ मूलदेवो नाम, जइ कयाइ किं पि पओयणं में सिज्झइ ता आगच्छेज्ज वेन्नायडे, किं च तुज्झ नामं? टक्केण भणियं-सद्धडो, जणकयावडकेण य निग्घिणसम्मो नाम। तओ पत्थिओ भट्टो सग्गामं। __ मूलदेवो वि विन्नायडसम्मुहं ति। अंतराले य दिटुं वसिमं। तत्थ पविट्ठो भिक्खानिमित्तं। हिंडियं असेसं गामं। लद्धा कुम्मासा, न किंपि अन्नं। गओ जलासयामिमुहं। एत्थंतरम्मि य तवसुसियदेहो महाणुभावो महातवस्सी मासोपवासपारणयनिमित्तं दिट्ठो पविसमाणो। तं च पेच्छिय हरिसवसुभि-न्नपुलएण चिंतियं च मूलदेवेण-अहो! धन्नो कयत्थो अहं, जस्स इमम्मि काले एस महातवस्सी दसणपहमागओ, ता अवस्सं भवियव्वं मम कल्लाणेण। अवि य-मरुत्थलीए जह कप्परुक्खो , दरिद्दगेहे जह हेमवुट्ठी। मायंगगेहे जह हत्थिराया, मुणी महप्पा तह एत्थ एसो // 1 // किञ्चदसणनाणविसुद्धं, पंचमहव्वयसमाहियं धीरं। खंती-मद्दव-अज्जव-जुत्तं मुत्तिप्पहाणं च // 2 // सज्झायज्झाणतवोवहाणनिरयं विसुद्धलेसागं। पंचसमियं तिगुत्तं, अकिंचणं चत्तगिहिसंगं // 3 //
