________________ मूलदेव-कहा 57 दिटुंते देइ। तओ अन्नया भणिया जणणी-अम्मो ! मग्गेहिं अयलं उच्छु। कहियं च तीए तस्स। तेण वि सगडं भरेऊणं पेसियं तीए भणियं-किमहं करेणुया जेण एवंविहं सपत्तडालं उच्छं पभूयं पेसिज्जइ। तीए भणियं-पुत्ति! उदारो खु सो तेण एवं पेसियं ति, चिंतियं च णेण -अन्नाणं पि सा दाहि त्ति। अवरदियहे देवदत्ताए भणिया माहवी-हला! भणाहि मूलदेवं जहा उच्छृणमुवरि सद्धा, ता पेसेहि मे। तीए वि गंतूण कहियं। तेण गहियाओ दुन्नि उच्छुलट्ठीओ, निच्छोलिऊण कयाओ दुयंगुलपमाणाओ गंडियाओ, चाउज्जाएण य अवचुन्नियाओ, कप्पूरेण य मणागं वासियाओ, सूलाहि य मणागं भिन्नाओ, गहियाइं अभिणवमल्लगाइं, भरिऊण य ताणि ढक्किऊणं पेसियाणि। ढोइयाइं च गंतूण माहवीए। दंसियाणि तीए वि जणणीए। भणिया य-पेच्छ अम्मो! पुरिसाणमंतरं ति, ता अहं एएसिं गुणाणमणुरत्ता। जणणीए चिंतियं-'अच्चंतमोहिया एसा न पच्चियइ अत्तणाइमं, ता करेमि किं पि उवायं जेण एसो कामुओ गच्छइ विदेसं, तओ सुत्थं हवइ' त्ति चिंतिऊण भणिओ तीए अयलो-कहसु एईए पुरओ अलियगामंतरगमणं, पच्छा पविढे माणुस्ससामग्गीए आगच्छेज्जह विमाणेज्जह य तं, जेण विमाणिओ संतो देसच्चायं करेइ, ता संजुत्ता चिट्ठज्जइ, अहं ते वत्तं दाहामि। पडिवन्नं च तेण अन्नम्मि दिणे कयं तहेव तेण। निग्गओ अलियगामंतरगमणमिसेण। निठभएण पविट्ठो य मूलदेवो। जाणाविओ जणणीए अयलो आगओ महासामग्गीए। दिट्ठो य पविसमाणो देवदत्ताए, भणिओ य मूलदेवो-ईइसो चेव अवसरो, पडिच्छियं च जणणीए एयं पेसियं दव्वं, ता तुमं पल्लंकहे?ओ मुहुत्तगं चिट्ठह। ताव ठिओ सो पल्लंकहेटुओ। लक्खिओ अयलेणं। निसन्नो य पल्लंके अयलो, भणिया य सा तेण-करेह न्हाणसामिग्गिं। देवदत्ताए भणियं-एवं ति ता उट्ठह नियंसह पोत्तिं जेण अभंगिज्जइ। अयलेण भणियं-मए दिट्ठो अज्ज सुमिणओ, जहा'नियत्थिओ चेव अभंगियगत्तो एत्थ पल्लंके आरूढो ण्हाओ' त्ति, तो सच्चं सुमिणयं करेसु। देवदत्ताए भणियं-नणु विणासिज्जए महग्धं तूलिगंडुयमाईयं।
