________________ 562 प्राकृत पाठ-चयनिका सम्भावो सज्जणमाणुसस्स कोडिं विसेसेइ // 3 // ता सव्वहा पडिवज्ज इमं पत्थणं ति। पडिवन्नं तेण। जाओ तेसिं नेहनिभरो संजोगो। अन्नया रायपुरओ पणच्चिया देवदत्ता वाइओ मूलदेवेण पडहो। तुट्ठो तीए राया। दिन्नो वरो। नासीकओ तीए। सो य अईवजूयपसंगी निवसणमेत्तं पि न रेहए। भणिओ य साणुणयं तीए पियवाणीए-पिययम ! को तुह इमं मयंकस्सेव हरिणपडिबंधं? तुम्ह सयलगुणालयाण कलंक चेव जूअवसणं, बहुदोसविहाणं च एयं। तहा हि-"कुलफलंकणु सच्चपढिवक्खु गुरुलज्जासोयहरु धम्मविग्घु अत्थह पणासणु। जं दाणभोगिहि रहिउ पुत्त-दार-पिइ-माइमोसणु। जहिं न गणिज्जइ देउ गुरु जहिं नवि कज्जु अकज्जु। तणुसंतावणु कुगइपहु तहिं पिय। जूय म रज्जु // 1 // " ता सव्वहा परिच्चयसु इमं। अइरसेण य न सक्कए मूलदेवो परिहरिउं। अत्थि य देवदत्ताए गाढाणुरत्तो मूलिल्लो मित्तसेणो अयलनामा सत्थवाहपुत्तो। देइ सो जमग्गियं। संपाडेइ वत्थाभरणाईयं। वहइ य सो मूलदेवोवरि पओसं, मग्गइ य छिड्डाणि। तस्स संकाए न गच्छइ मूलदेवो तीए घरं अवसरमंतरेण। भणिया य देवदत्ता जणणीए-पुत्ति! परिच्चय मूलदेवं, न किंचि निद्धणेण पओयणमेएण, सो महाणुभावो दाया अयलो पेसेइ पुणो पुणो बहुयं दव्वजायं, ता तं चेव अंगीकरेसु सव्वप्पणयाए, न एक्कम्मि पडियारे दोन्नि करवालाई मायंति, न य अलोणियं सिलं को वि चट्टेइ, ता मुंच जूयारियमिमं ति। तीए भणियं-नाहं अंब! एगंतेण धणाणुरागिणी, गुणेसु चेव से पडिबंधो। जणणीए भणियं-केरिसा तस्स जूयारगस्स गुणा? तीए भणियं -अंब! केवलगुणमओ खु सो। जओ 'धीरो उदारचरिओ, दक्खिन्नमहोयही कलानिउणो। पियभासी य कयन्नू, गुणाणुरागी विसेसण्णू // 1 // ' / अओ न परिच्चयामि एयं। तओ सा अणेगेहिं दिटुंतेहिं आढत्ता पडिवोहेउं -अलत्तए मग्गिए नीरसं पणामेइ, उच्छुखंडे पत्थिए छोइयं पणामेइ, कुसुमेहिं जाइएहिं विंटमित्ताईपणामेइ। चोइया य पडिभणति-जारिसमेयं तारिसो एस ते पिययमो, तहावि तुमं न परिच्चयसि। देवदत्ताए चिंतियं-मूढा एसा तेणेवंविहे
