________________ मूलदेव-कहा 55 ण याणामि सम्मं परं ठिओ जाणगाण सयासे। आणियं चंपगतेल्लं। आढत्तो अब्भंगिउं। कया पराहीणमणा। चिंतियं च णाए-अहो विन्नाणाइसओ, अहो! अउव्वो करयलफासो, ता भवियव्वं केणइ इमिणा सिद्धपुरिसेण पच्छन्नरूवेण, न पयईए एवंरूवस्स इमो पगरिसो त्ति, ता पयडीकरावेमि रूवं। निवडिया चलणेसु, भणिओ य-भो महाणुभाव ! असरिसगुणेहिं चेव नाओ उत्तमपुरिसो पडिंवन्नवच्छलो दक्खिन्नपहाणो य तुमं, ता दंसेहि में अत्ताणयं, बाढं उक्कंठियं तुह दंसणस्स मे हिययं ति। ___ मूलदेवेण पुणो पुणो निव्वंधे कए ईसिं हसिऊण अवणीया वेसपरावत्तिणी गुलिया। जाओ सहावत्थो। दिट्ठो दिणनाहो व्व दिप्पंततेओ अणंगो व्व मोहयंतो रूवेणं सवलजणं नवजोव्वणलावन्न संपुन्नदेहो। हरिसवसुब्भिन्नरोमंचा पुणो निवडिया चलणेसु, भणियं च-महापसाओ त्ति अब्भंगिओ सहत्थेहि। मज्जियाइं दो वि जिमियाई महाविभूईए, परिहाविओ देवदूसे, ठियाइं विसिट्ठगोट्ठीए। भणियं च तीए-महाभाग! तुमं मोत्तूण ण केणइ अणुरंजियं में अवरपुरिसेण माणसं, ता सच्चमेयं-नयणेहिं को न दीसइ? केण समाणं न होंति उल्लावा? हिययाणंदं जं पुण, जणेइ तं माणुसं विरलं ॥१॥ता ममाणुरोहेण एत्थ घरे निच्चमेवागंतव्वं। मूलदेवेण भणियंगुणराइणि! अन्नदेसिएसु निद्धणेसु य अम्हारिसेसु न रेहए पडिबंधो, न य थिरीहवइ, पाएण सव्वस्स वि कज्जवसेण चेव नेहो। भणियं च-वृक्षं क्षीणफलं त्यजन्ति विहगाः शुष्कं सरः सारसाः, पुप्पं पर्युषितं त्यजन्ति मधुपा दग्धं बनान्तं मृगाः। निर्द्रव्यं पुरुषं त्यजन्ति गणिका भ्रष्टं नृपं सेवकाः, सर्वः कार्यवशाज्जनोऽभिरमते कः कस्य को वल्लभः? // 1 // . तीए भणियं-सदेसो परदेसो वा अकारणं सप्पुरिसाणं। भणियं चजलहिविसंघडिएण वि, निवसिज्जइ हरसिरम्मि चंदेण। जत्थ गया तत्थ गया, गुणिणो सीसेण वुज्झंति // 2 // अत्थो वि असारो, न तम्मि वियक्खणाण बहुमाणो, अवि य गुणेसु चेवाणुराओ हवइ त्ति। किञ्च-वाया सहस्समइया, सिणेहनिज्झाइयं सयसहस्सं।
