________________ 54 प्राकृत पाठ-चयनिका या विचित्रविटकोटिनिघृष्टा, मद्यमांसनिरताऽतिनिकृष्टा। कोमला वचसि चेतसि दुष्टा, तां भजन्ति गणिकां न विशिष्टाः // 1 // योपतापनपराऽग्निशिखेव, चित्तमोहनकरी मदिरेव। देहदारणकरी क्षुरिकेव, गर्हिता हि गणिका सलिकेव // 2 // अओ नत्थि मे गमणाभिलासो। तीए वि अणेगाहिं भणिइभंगीहिं आराहिऊण चित्तं महानिव्वंधेण करे घेत्तूण नीओ घरं। वच्चंतेण य सा खुज्जा कलाकोसल्लेण य विज्जापओगेण य अप्फालिऊण कया पउणा। विम्हयक्खित्तमणाए पवेसिओ सो भवणे। दिट्ठो देवदत्ताए वामरूवो अज्वलावन्नधारी। विम्हियाए देवदत्ताए दवावियमासणं। निसन्नो य सो। दिन्नो तंवोलो। दंसियं च माहवीए अत्तणो रूवं, कहिओ य वइयरो। सुट्ट्यरं विम्हिया। पारद्धो आलावो महुराहिं वियड्डभणिईहिं। आगरिसियं च तेण तीए हिययं। भणियं च -अणुणयकुसलं परिहासपेसलं लडहवाणिदुल्ललियं। आलवणं पि ह छयाण कम्मणं किं च मूलीहि? // 1 // एत्थंतरे आगओ तत्थेगो वीणावायगो। वाइया तेण वीणा। रंजिया देवदत्ता। भणियं च-साहु भो वीणावायग! साहु सोहणा ते कला। मूलदेवेण भणियं-अहो! अइनिउणो उज्जेणीजणो जाणइ सुंदरासुंदरविसेसं। देवदत्ताए भणियं-भो! किमेत्थ खूणं? तेण भणियं-वंसो चेव असुद्धो, सगठभा य तंती। तीए भणियं-कहं जाणिज्जइ ? दंसेमि अहं। समप्पिया वीणा। कड्डिओ वंसाओ पाहणगो। तंतीए वालो समारिऊण वाइउं पयत्तो। कया पराहीणमाणसा सपरियणा देवदत्ता। पच्चासन्ने करेणुया सया रवणसीला आसि, सा वि ठिया घुम्मंती ओलंवियकन्ना। अईव विम्हिया देवदत्ता वीणावायगो य। चिंतियं च-अहो ! पच्छन्नवेसो विस्सकम्मा एस। पूइऊण तीए पेसिओ वीणावायगो। आगया भोयणवेला। भणियं देवदत्ताए-वाहरह अंगमद्दयं जेण दो वि अम्हे मज्जामो। मूलदेवेण भणियं-अणुमन्नह, अहं चेव करेमि तुम्ह अब्भंगणकम्म। किमेयं पि जाणासि?
