________________ वसुदेवहिण्डी 51 विधेओ जाओ, उत्तरीयं च गिण्हाविओ, वाहेमि णं जहिच्छं ति। ___ गहिओ य मि आकासत्थिएहिं दोहिं वि पुरसेहिं बाहासु समगं उक्खित्तो, णिंति णं गगणपहेण कहिं पि। चिंतियं च मया - एए ममाओ किं मण्णे अहिया ऊण? त्ति। दिट्टा य दिढेि साहरंति, ततो 'ऊण' त्ति मे ठियं। सदयं च वÉति ‘साणुकंप' त्ति संभाविया। उप्पण्णा मे बुद्धी - जइ मंगुलं काहिंति तो णे विवाडिस्सं, अलं चावल्लेण। आरुहिओ मि तेहिं पव्वयं, उज्जाणे णिक्खित्तो, पणया य नामाणि साधेऊण - पवणवेग-ऽच्चिमालिणो अम्हे त्ति। तओ दुतमवक्कंता। सामलीपरिचओ मुहुत्तंतरेण य इत्थिगा मज्झिमे वए पवत्तमाणी सित-सुहुम-दुगुल्लपरिधाणुत्तरीया आगया, पणया य नाम साहिऊण-अहं मत्तकोकिला रणो असणिवेगस्स दुहियाए सामलियाए विज्जाहरकण्णाए बाहिरिया पडिहारी। सुणह देव ! - राइणो संदेसेणं सचिवेहिं पवणवेग-ऽच्चिमालीहिं आणित त्थ। रण्णो दुहिया सामली नाम माहवमा-ससंझाकुवलयसामा लक्खणपाढग-पसंसियसुपइट्ठियसभावरत्ततला, तलाऽणुपुव्ववट्टियंगुलीतंबनहपायजुयला, दुव्विभावणीय-पिंडिय-वट्ट-सुकुमालगूढरोमजंघा, पीणसनाहित कतलीखंभसन्निभोरू, पीवरथिरनितंबदेसपिहुलसोणी, दाहिणावत्तनाही, मंडलग्गयतणुकसिणरोमराईपरिमंडियकरमितमज्झा, पीणुण्णयहारहसिरहितयहर-संहितपओहरा, गूढसंधिदेससण्णिभूसणमाणसंगयबाहुलतिका, चामर-मीणा-ऽऽयपत्तसुविभत्तपाणिलेहा, रयणावलिसमुचितकंबुकंधरा, पयोोरपडलविणिग्गयपुण्णचंदसोमवदणचंदा, रत्तंतधवलकसिण-मज्झनयणा, बिंबफलोवमरमणिज्जाऽधररूवगा, कुंडलोवभोगजोगसंगयसवणा, उण्णयपसत्थनासावंसा, सवणमणसुभगमहरभणिया, परिजणनयणभमरपिज्जमाणलायण्णरस त्ति। तुम्हं राया दाउकामो, मा ऊसुगा होह।
