________________ वसुदेवहिण्डी बीओ सामलीलंभो ततो अहं ताओ वीसंभेऊण एगागी निग्गओ, मग्गं मोत्तूण दूरमइवइओ उत्तरदिसिं। हिमवंतपव्वयं पस्समाणो य पुव्वदेसं गंतुमणो कुंजरावत्तं अडविं पविट्ठो। महंतमद्धाणमइवाहेऊण परिस्संतो तिसिओ य एगं सरं पत्तो विगयपंक पंकयसंछण्णतोयं वारिचरविहगमणहरभणियं। चिंतियं मया - अहं परिस्संतो जड़ तण्हावसेण उदगं पाहामि तो मे अपरिट्ठिओ मारुओ सरीरे दोसं उप्पाएज्जा। वीसमामि ताव मुहुत्तं, सिणाओ पाणियं पाहिं (हं) ति। एयम्मि अंतरे हत्थिजूहं कालमेहवंद्रमिव पाणियं पाउकामं सरमवइण्णं, कमेण पीओदगं उत्तिण्णं। अहमवि मज्जिउं पवत्तो। जूहवई य कणेरुपट्टिओ ईसिंमदजलदी-समाणसुरभिकपोलदेसो सरमवइण्णो। निव्वण्णिओ य मया उत्तमभद्दलक्ख-णोववेओ। सो गंधहत्थी गंधमणुसरंतो ममं अणुवइउमारद्धो। चिंतिअंच मे-जले ण तीरिहिति गओ जोहेउं। एस उत्तमो आसपणे पत्तो विहेओ होहिति। तओ उत्तिण्णो मि। सो वि मे पच्छओ लग्गो। मया य करमग्गं वंचेऊणं गत्ते अफालिओ, सिग्घयाए य णं वंचामि। सो मं सुकुमालयाए कायगरुयाए य ण संचाएइ गहेउं। तहिं तहिं चेव मया छगलो विव भामिओ। परिस्संतं च जाणिऊण उत्तरीयं से पुरओ खित्तं, तम्मि निसण्णो। अहमवि अभीओ महागयस्स दंते पायं काऊण आरूढो तुरियं। पत्तासणस्स य सुसीसो इव
