Page Text
________________ 48 पाइअविनाणकहा-२ अह राइए पच्छिमम्मि जामम्मि नयणेसुं पढें बंधिऊण सो नरनाहो जोगिणीए नियए भवणम्मि नीओ, एवं पइदिवहं चिय आगच्छंतम्मि निवम्मि तीए चंदलेहा भणिया-वच्छे ! तुह पई वि दासो जाओ / तओ पूरिअपइण्णा सा चंदलेहा फारसिंगारं काऊणं अंतेउरमज्झगयं रायं कयहासा विन्नवेइ-सामिय ! दूसणकलिया जं अहं परिचत्ता तं तु जुत्तं, किंतु अन्नाहिं अंतेउरिहिं किं अवरद्धं जं एआओ चयसि ?, अहवा नायं, सुरसुंदरीए सद्धिं बहुविहविलासरसियस्स तुह अम्हारिसीणं नामं पि गहियं रई न कुणेइ / तव्वयणेण चमक्कियचित्तो राया तं निरूविऊणं पुणो य सम्मं उवलक्खिऊण भणेइ तं किं ? एयं किं ति ? तत्तो नमिऊण तीए नरिंदो भणिओ-मए जोइणीवयणेण जो अविणओ कओ सो नाह ! तुमए खमिअव्वो / हरिसविसाय-अच्छेरयपरिपूरियमाणसो नरवई तं बुद्धिमई चंदलेहं देवीपयम्मि ठवेइ-भणियं च ता गव्वो ता रसो, तावञ्चिय पुव्वदोससंभरणं / उक्कीरीउव्व हियए, जाव चहुटुंति' नेव गुणा / / 9 / / अह सयलंतेउरकलिओ पायालघरम्मि विविहभंगीहिं भोगभोगाहिं भुंजमाणो वसुहाहिवई वरिसाणं सहस्साइं वइक्कमेइ। अह अण्णया नंदणवणसरिसे कुसुमागरनामम्मि उज्जाणम्मि सिरिअभयंकरसूरी साहुगणपरियरिओ समोसढो' / दुल्ललियनरिंदो उज्जाणम्मि समागयं सूरिं वियाणिऊण साणंदो चंदलेहाजुओ तहिं गंतूणं आयरियं पणमिऊणं उवविसिऊणं धम्मकहं सुणेइ जयसिरिवंछियसुहए, अणिट्ठहरणे तिवग्गसारम्मि / इह परलोयहियटुं, सम्मं धम्मम्मि उजमहे / / 10 / / मज्जविसयकसायनिद्दाविकहापमुहपमाए चइऊणं जयसिरिवंछियसुहकारणे सारीरमाणसियदुक्खदालिद्दाइअणिट्ठहरणे य तिवग्गसारम्मि धम्मम्मि इह परलोयहियट्ठाय सम्मं उज्जमेह / तहाहि-विसमं विसं उवभुंजिउं सेयं, अग्गिणा सह कीलिउं समत्थो होज्जा / तहवि संसारकारागारगएहिं जीवेहिं पमाओ न कायव्वो, जओ विसं अग्गी वा आसेविओ तीए चेव जाईए नरं उवहणेज्जा, पमाओ उ जम्मंतरसयाइं हणेज्जा, तम्हा पमायं सव्वहा चइऊणं देसविरइसव्वविरइसरूवधम्मस्स मूलाइभूए सम्मत्तदंसणम्मि सइ उज्जमो कायव्वो / एयं चेव धम्मतरुणो मूलं, धम्मपुरस्स दुवारं, निव्वाणपासायस्स पीढिगा, सव्वसंपयाणं निहाणं, रयणाणं पिव सागरो तह गुणाणं चिय आहारो, चारित्तधणस्स पत्तं सम्मत्तं केहिं न सिलाहिज्जइ ? / तम्हा भो ! भविया ! पमायमज्जं चइत्ता सिवसोक्खदायगं दुट्ठकम्मविणासगं सुद्धं सावगधम्मं गिण्हेह / परतित्थम्मि गयाणं जेसिं पुरिसाणं मरणम्मि उवत्थिए सम्मत्ताराहणरागो होइ ते वि हि सिग्धं भवजलहिं तरिऊणं सिवसुहं पावेइरे / एवं वोत्तूण सो गणहरभगवंतो तं चंदलेहं पइ इमं वयणं भणेइ-भद्दे ! नियपुव्वभवं वियाणंती तुं किं न हु बुज्झसि, सिरिसत्तुंजयतित्थे पढमजिणरायं आराहंतीए दुल्ललियनरिंदे कोवं कुणमाणीए तइया तुमए सम्मइंसणसेवणवसेण फुडं सयलतिहुवण-अच्छेयकारिणीए बुद्धोए एसा महासिरी पत्ता / 1. उत्कीर्णा इव / / 2. लगन्ति - चोटवू / / 3. समवसृतः / / 4. श्रेयः / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |