Page Text
________________ सम्मत्तविसुद्धीए चंदलेहाए कहा-६८ 47 चंदलेहा तं साहेइ-पियसहि ! तु चिरकालेण अम्ह मिलियासि, तओ मए सद्धि एगभायणम्मि जिमेसु / पडिवन्नवयणा तीए सह भोत्तुं उवविट्ठा, सा विम्हयविकसियनयणपंकएण रण्णा दिट्ठा / तत्तो राया चिंतेइ-पायालनाइगाए अदिट्ठपुव्वं रूवं पासमाणेण मए किं किं न पज्जत्तं ? अह तीए संकेएणं सा जोइणिवरा पयंपेइ-पियसहि ! हद्धि पमाएणं मम अंतेवासी वीसरिओ, तेण विणा अज्ज अहं न भुंजिस्सं / इओ य चंदलेहा साहेइ-जोइणि सामिणि ! को तुह सीसो ? असुरो वा अमरो वा गंधव्वो वा नागलोगवासी वा मम कहेसु ? तस्स कए जह सव्वसत्तीए अहं पि गोरव्वं कुणेमि / सा जोइणी वि तं पइ जंपेइ-न हु सुरवराइजाइओ, किंतु एसो मणुअकुलतिलओ दुल्ललियनरवई वियाणियव्वो / सा चंदलेहा नासिगं कूणिऊणं साहेइ-जोइणि ! अइभत्तीए धुत्तेणं केण वि मणुएणं तुमं भोलविया' सि / सा वि साहेइ-वच्छे ! तुं मुहा मणंमि अन्नह मा चिंतेसु / जत्तो मए ससत्तीए एसो दिव्वसरीरो विहिओ, इत्थ आगओ इमो तुमए गउरवपयं नेयव्वो, जस्स अहं परितुट्ठा तस्स किं पि दुल्लहं न सिया, तम्हा मह वयणेण निययभायणम्मि इमं सीसं आजम्माभुत्तपुव्वाए दिव्वाए रसवईए भुंजावसु / तओ जोगिणी वि रायं वएइ-वच्छ ! आगच्छ नागरमणीए सद्धिं दिव्वं इमं रसवई झत्ति भुंजाहि / नरवई उच्छिद्रं जाणंतो वि भुंजतो अप्पाणं कयपुण्णं मन्नेइ, अहवा भुवणम्मि इत्थीहिं को जणो न वंचिओ ? / तइआ काओ वि कन्नाओ अन्नं मणुण्णं अन्नं वियरेइरे, अन्ना का वि जोइणीवयणेणं हसिऊणं तम्मज्झम्मि जेमेइ / तओ सा सोगंधियपरिकलियं तंबोलं तस्स दाविऊणं भणेइ-पुत्तए ! उट्ठाय रयणमइयं इमं नागरमाणिघरं पेक्खसु / तइआ ताहिं पि वरकन्नाहिं वक्काहिं उत्तीहिं ठाणे ठाणे हसिज्जमाणो सो सुहेण दिवहं अइक्कमेइ / रयणीसमए जाए पिक्खणगाइववसाए विसज्जिए राया कयंजली जोइणी एवं विण्णेवेइ-जइ सामिणि ! तुं संतुट्ठा सञ्चं चिय कप्पवल्लरिव्व सि तो एयाण मज्झाओ मह रमिउं कपि अच्छरं देसु / सा तं साहेइ-अच्छराओ जइ नरम्मि संसज्जंति', तो सुरकुमारा खणद्धेणं एयाओ उज्झेइरे, परंतु अहं नियविज्जाबलेण तुह वंछियं करिस्सामि, तुमए उ आजम्मं पुणो एयाणं वयणं कायव्वं / रण्णा तीए वयणम्मि अंगीकयम्मि तओ सा चंदलेहं भणेइपियसहि ! तुज्झ आणानिरयस्स इमस्स मणवंछियं पुरेसु, एसो चिरजागरिओ तुम्ह भवणोवरिं निद्दसुहं लहउ, अन्नं च तुह पसाया सुरसेज्जासंगसुहं पावउ / ताणं एगा वएइ-उवरितले का वि तूलिया नत्थि, जइ एसो सुक्खं अभिलसइ तो सयमेव तूलिगं उवरितलम्मि नेउ / तओ राया हरिसनिब्भरंगो सहसा उट्ठाय सयगुणुच्छाहो सिरम्मि तूलिं वहिऊणं भवणोवरिं चडिओ / पुणो वि तत्तो ओयरिऊणं पल्लंकं मत्थयम्मि धरिणं राया भवणस्स उवरिं नेऊण दासुव्व पत्थरेइ / तओ जोइणीवयणेण राया सुरसुंदरीए सपल्लंकं तूलियं उपाडित्ता उवरितलम्मि नेऊणं पत्थेरेइ / सा वि चंदलेहा नियसेज्जाए ठाइऊण रइरसगुणेहिं रण्णो चित्तं तह रंजेइ जह सो अन्नाओ रासहीओ विव मन्नेइ / 1. वञ्चिता / / 2. शिष्यम् / / 3. अन्यत् / / 4. उक्तिभिः / / 5. संसजन्ति / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |