Page Text
________________ 44 पाइअविनाणकहा-२ एयं सोच्चा रोसवियडभिउडीभंगुरकरालभालयलो राया साहेइ-बाले ! ममं तु जं वीसरियं तं चिय तुं सुमरेसु / सा भणइ-देव ! तुज्झ गिराए एए हए निए करेमि, अन्नह मह घरसारं सव्वं तुव संतियं चेव, तओ सा वहियं कड्ढाविऊणं वाइत्ताणं च नियं वयणं मन्नावियं, जेण मह तुरयजायतुरगा मह चेव हवंति न अन्नस्स / तइया नरवइणो मंति-पुरोहिय-तलवर-सामंत-पमुहपरियणो तीए मइप्पगरिसं दठूणं अइविम्हिओ जाओ / सा नरवइस्स मुहपंकयं संकोयंती पिऊणो य नयणकुमुयाई उल्लासंती सञ्चं चंदलेहव्व संजाया / तत्तो रायकुलाओ जियगासिणी वण्णणिज्जमइपसरा पञ्चक्खसरस्सई बाला पिउणो गेहम्मि पत्ता / तीए तं विन्नाणं अप्पणो य अवमाणं वियाणंतो विम्हयविसायपडिओ राया चिंतेइ-इमीए सहामज्झम्मि कहं नडिओ ? तीए पडियारठं किं अहं कुणेमि ? अह अण्णया नरवई पाणिगहणत्थं तं कण्णं मग्गेइ / सिट्ठी वि भयभीओ परमत्थं धूयं पुच्छेइ / सा हरिसपूरियंगी जणयं पइ एरिसं वयणं भणइ, पिअर ! भयं उज्झिऊणं नरवइणा सद्धिं मम विवाहं कुणिज्जसु / तओ चंदणसारेण दुल्ललियनिवेण सद्धिं चंदलेहाए विवाहो अइसयमहूसवेण झत्ति कारविओ / सो भूमिवई अभिणवपासायम्मि तं ठावित्ता भणेइ-सेट्ठिसुए ! जइ वि हु धुत्ती सि, तह वि हु तुं मए वंचियासि, मह पइण्णं सुणाहि-अज्जदिवसाओ आरंभिऊणं रागरत्तमणो वि तुमए सह संलावं नो काहं / सा वि साहेइ-छलसार ! सामिय ! मज्झ वि पइण्णं सुणाहि जं असणं उच्छिद्रं, निजं जिमावेमि तुलियं सिजं / वाहावेमि अवस्सं, खंधे तं अंकदासुव्व / / 7 / / ता अहं नूणं चंदणसारतणया वंचणचणा' भुवणम्मि वियाणियव्वा / तव्वयणानलजलिरो राया सोहग्गपमुहगुणगणसंजुयं पि तं दोहग्गवईणं मज्झम्मि परिखिवइ / तत्तो सा चंदलेहा तहिं पवरकुसुमगंधेहि जिणवरपूयं कुणमाणी बहवे य सोहग्गकप्पतरुवरपमुहतवे समायरेइ / अन्नया तवसोसियदेहलया सा चंदलेहा तवचरणउज्जमणहेउं रायं आपुच्छिऊणं पिउणो गेहम्मि समागया / सेट्ठी अइकिसदेहं नियपुत्तिं दट्टणं नियउच्छंगम्मि ठवित्तु विलवेइ-हा ! हा ! वच्छे ! तुमए अप्पा दुहम्मि किं खित्तो ? इमेण राइणा सद्धिं तुज्झ विवाहं नेव कारवेजा, अहवा हयदिव्वकयं कजं केण वि न निवारिज्जइ / पिउणो वयणं पडिसेहिऊण तवाणं उज्जमणं निम्मिऊणं विहिणा सिरिसंघजिणीसरदेवचलणे पूएइ, अइसयविसन्नहिययं तायं निवारिऊणं करणिज्जं कहेइताय ! सयलकलाकुसलनिलयाओ पन्नासं वरकन्नाओ मह देसु, अन्नं च नियगेहाओ मम गेहं जाव एगं सुरंग करावसु, बीयं तु पुरदुवारवासिणीए देवीए वासघराओ (वासघरंजाव), अन्नं च मह गेहस्स हिट्ठम्मि सुरंगमज्झम्मि एगं भव्वं जिणहरं कारावसु, तओ निञ्चितो होऊण चिढेसु / चंदणसारेण वि देवीए विव तीए पुत्तीए चिंतिय-अत्थस्स पूरणेण इह कप्पतरुणो लीला कलियाकप्पतरुव्व तेण समायरियं ति / तओ सा गेहाओ सुरंगमग्गेण जणयभवणम्मि गंतूणं पन्नासं कन्नाओ सयलाओ 1. निजाधीनान् / / 2. जितकाशिनी लब्धविजया / / 3. वञ्चनदक्षा / / 4. तुच्छभाग्यकृतं कार्यम् / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |