________________ सम्मत्तविसुद्धीए चंदलेहाए कहा-६८ 00NA आजुगंतं लज्जा होहिइ, अहवा सुबुद्धिमंताणं एसो विवाओ कित्तियमित्तो ? तम्हा सवणे पउणे काऊणं मह वयणं सुणेह-लोए वि सुप्पसिद्धं इमं-बीयं खलु बीयवइणो हवेइ, जहा वा खित्ताहिवस्स खित्तं तह इहं पि पिऊणो पुत्तो होइत्ति निच्छएण वियाणेह / कीरो निययसरीरं खित्तं घेत्तूणं सच्छंदं गच्छेउ, ‘इमो तणओ कीरस्स' इअ नीइं सव्वत्थ मुणेह / कीरी विसन्नचित्ता पभणेइ-रायं ! सत्थस्स अत्थाणं पडिकूला नीई तुम्हाणं काउं न समुचिआ / अन्नं च नाह ! एयं चेव नयमग्गं निययपंचकुलम्मि पयासियं, तं तु नियवहियाए लेहावसु, जेण तुम्हाणं न वीसरेइ / तओ नरवई अहिमाणवसेणं नियभणियं अवितहं पिव मनंतो नियअमञ्चाओ वहियाए लेहावइ / तहाहि-बीयवइणो एव बीयं होइ, जह इह खेत्तं खेत्ताहिवइणो चेव त्ति दुल्ललियमहीवालो एवं निण्णयं कासी / वुत्तं च 1. श्रवणो कर्णा / /
