Page Text
________________ 40 पाइअविनाणकहा-२ कमेण ताणं तप्पडिरूवो तणुओ कीरो संजाओ, तेहिं सो समग्गं पि कलाकलावं सिक्खविओ / अन्नुन्ननेहनिरयस्स तस्स कीरमिहुणस्स कहं पि दिव्ववसाओ अईव कलहो संजाओ, 'कामीणं चित्ताई धिरत्थु' / तत्तो सुगेण तारुण्णपुण्णसव्वंगी निब्भरसिणेहेण परिकलिआ अवरा वरसुगी संगहिया / तओ सा वरागी कीरी चाडुवयणेहिं तं मन्नावेइ, तह वि इयरीए गहीयमणो पावो सो न मन्नेइ / तओ सा पणट्ठपिम्मरसभरं कट्ठव्व नियदइयं दतॄणं जंपइ-स चित्ताणंददायगं मम पुत्तं अप्पेसु / वुत्तं च इत्थीण ताव पढम, पिओ पिओ होइ सव्वभंगीहिं / तविरहियाण पुत्तो, नियमण-आसासगो होइ / / 2 / / अहयं पुण दुरंतसंसारदुक्खवासाओ निविण्णा कम्मिवि तित्थे गंतूण अप्पाणं साहइस्सामि / मह पासम्मि संठिओ एसो पुत्तो तित्थम्मि विहियसंलेहणाईसुं धम्मसलिलसेएण मम मोहं हरिऊणं सुसमाहिं दाहिइ, जह निजामएण परिचत्तं पवहणं तह धम्मज्झाणं अवसाणसमयसमुद्दस्स परपारं नेव पावेइ / तव्वयणं सुणित्तु कीरो वि हु जरजज्जरुव्व' कंपमाणो पभणइ-तणयं मग्गंती तुं सयखण्डयं कहं न गया ? वरखेत्तखित्तबीयं पिव पुत्तो पिउणो भविउं जोग्गमेव / सा वि सुगी भणेइ माऊए च्चिय पुत्तो सिया, जओ तं विणा पुत्तो न होज्जा, अण्णं च सव्वहिं सव्वेसिं माया गउरवेण अहिगा सम्माणारिहा होइ / एवं बहुप्पयारं विवयंतं पुत्तसंजुत्तं तं मिहुणं गयणमग्गेण निच्छयकए कंचीए पुरीए गयं / तत्थ वेरिलच्छीवेणीआगरिसणिक्कदुल्ललिओ नामेणं दुल्ललिओ नरनाहो अत्थि, तस्स सहामज्झम्मि तं मिहुणं गयं, विज्जाहरसंसग्गेण भयविरहियं तं नहम्मि ठाऊणं पढमं कीरो निययबुद्धीए नरनाहं वण्णेइ भूमीसरो स नंदउ, जस्स सरस्सइरसं निएऊणं / पायालतलं गुविलं, निलीय चिट्टेइऽही अमियं / / 3 / / तत्तो कीरी वि दाहीणचरणं उप्पाडित्ता महीनाहं नमिऊणं भत्तीए सुललियवयणेहिं थुणेइ अवइन्ना 'वाएसरि, मुहकमले जस्स रायहंसिव्व / ' सो जयउ सञ्चसंघो, राया नयमग्गनहचंदो / / 4 / / तया पसण्णमणो राया कोऊहलेण कलिओ तं कीरमिहुणं वाहरेइ-मम पासे आगच्छसु तहा निययं कजं साहसु / तेहिं पि निए विवाए कहिए राया मंतिमुहं निए / सोवि साहेइ-एसि मज्झण्हसमयम्मि उत्तरं देमो / अच्छरियभरियमणो राया तं मिहुणयं गिहे नेऊणं कुरजुएहिं दाडिमफलेहिं जहिच्छाए तं भोयावेइ / मज्झण्हसमये सहाए नवरंमि उवविढे मंतिजणो जंपइ-एसो कीरविवाओ असुयपुव्वो विज्जइ, दीहकालं वियारमाणा वि अम्हे इमस्स पारं नो गया, तो अन्नत्थ गंत्तूणं कंपि नाणवतं महापुरिसं पुच्छंतु / मंतिजणवुत्तवयणं सोच्चा रोसारुणनयनो मइगव्वपव्वयारूढो राया मंतिवग्गं तज्जेइ-'अहो !! तुम्ह मइविहवो ?' / जइ दिव्ववसाओ एसो कीरविवाओ अणिच्छिओ, इत्तो अन्नत्थ पुरम्मि गच्छेज्जा, तइआ मम 1. काष्ठवत् / / 2. ज्वरजर्जरइव ज्वरपीडित इव / / 3. ही-अहिः-सर्पः / / 4. अमृतम् / / 5. वागीश्वरी / / 6. पश्यति / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |