Page Text
________________ पाइअविन्नाणकहा-२ ____ पञ्चसकाले जागरमाणो पत्तो निहिप्पएसं समागओ, निहिविरहिअंतं पएसं दटठणं तेण चिंतिअं–पिउणा एसो निही गहिओ होज्जा, तओ पिउस्स पासम्मि समागंतूण पुटुं-'सो निही कत्थ ठविओ अत्थि ?' तेण कहियं हं न याणामि / एवं सोच्चा तेण पुणो वि भयं दंसिऊण पुढे, तहवि तेण तहेव वुत्तं, पुणो वि दंडप्पहारं दाऊणं तेणं पुढे, तह वि सो किंपि न वएइ / तइया अणाइकालनिविडपरिग्गहसण्ण-मुच्छिएण तिव्वधणलोहंघेण तेण गाढयरं दंडेण मत्थयम्मि पहरिओ समाणो जणगो उक्कडरोसकंतो गाढवेराणुबंधो मरणं लहिऊणं तत्थञ्चिय निहिप्पएसे भुजंगमो संजाओ / सो धणदेवो तं निहिं अलहमाणो घरम्मि गओ / माऊए पुटुं-तुम्ह पिआ कत्थ गओ? तेण वुत्तं वावारटुं दूरदेसं गओ, अहं पच्छा समागओ / एवं स कइदिणाइं जाव घरम्मि ठिओ, पुणो एगया निहिदसणटुं तत्थ पएसे गओ, तेण तत्थ पियरजीवो सो भुजंगमो दिह्रो पुणरवि निहिमूढेण तेण सो वि सप्पो विहणिओ समाणो मरिऊण तम्मि एव ठाणम्मि नउलो जाओ, सो धणदेवो तत्थ निहिणो अदंसणेण पुणो पच्छा निवट्टिओ / कालंतरेण पुणो वि तत्थ गओ, तया सो नउलो पुव्वभवब्भासाओ तम्मि निहिम्मि आसत्तो तत्थञ्चिय ठिओ समाणो एगया निहिणो अवरिं ठिअं तं दिव्वहारं मुहेण घेत्तूण बाहिरं निग्गओ / धणदेवेण सो दिट्ठो / पुणो वि लट्ठीए तं हणिऊण तं निहिप्पएसं खणिउणं सो निहिं गहित्था / ___ अह सो हच्चातिगकारगो विम्हरिअकिञ्चाकिञ्चो निहिविमूढो तं घेत्तूणं भममाणो कमेण कणयपुरनयरस्स उज्जाणम्मि समागओ, तत्थ भविअजणाणं उवएसदाणपरं नाणत्तयसमण्णियं मुणिचंदसूरिवरं पासेइ, पासित्ता तस्स सूरिणो पहावेण उवसंतवेराणुभावो जाओ, तओ सो धणदेवो तस्स मुणिंदस्स पायपंकयाई पणमेइ / सो सूरिवरो धम्मलाहं दाऊण ओहिनाणेण तस्स सरूवं पासिऊण पडिबोहणलु उवएसं पयच्छइ, जहा अत्थं अणत्थं भावसु निगं, नत्थि तओ सुहलेसो सञ्छं / पुत्ताओ वि धणीणं भीई, सव्वत्थेसा विहिआ रीई / / 2 / / एवं उवदिसित्ता हे भद्द ! धणलोहंधलेण तुमए हञ्चातिगकरणेण महापावं समज्जिअं / एवं सोच्चा संजायबहुअपच्छायावो वेरग्गमणो अप्पणो पावकम्मविणासणटुं पुच्छीअ-कहं हं एयाओ पावकम्माओ मुक्को होइस्सं ? / तया मुणिंदो सव्वपावपंकडहणसमत्थं सव्वविरइधम्मं उवदिसेइ / तओ जायसव्वविरइपरिणामो सो हारं विणा सव्वधणं सत्तखेत्तेसुं वविऊण हारं च तन्नयराहिवइकणयचंदनरिंदस्स समप्पेइ, तओ जिणिंदपडिमाओ अञ्चिऊण दीणदुहिआणाहपमुहाणं च दाणं दाऊणं तस्स मुणिंदस्स पासम्मि पव्वइओ / सो कणयचंदनिवो तं हारं नियकणयवईए महिसीए समप्पेइ / सो धणदेवो मुणी गहणासेवणसिक्खं अब्भसंतो तिव्वतवस्साए किलिट्ठकम्मक्खयं समायरंतो आयरिएण सह गामाणुगामं विहरंतो कमेण गीयट्ठो संजाओ / एगया गुरुणो अणुण्णं घेत्तूणं तस्स च्चेव नयरस्स उज्जाणम्मि समागंतूण सो एगागी पडिमं पडिवण्णो काउस्सग्गेण संठिओ आसि / 1. उपरि / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |