Page Text
________________ 166 पाइअविनाणकहा-२ अह बीओ वि गामाभिमुहं गच्छंतो वियारेइ-"रण्णा उ दुण्हं आएसं दाऊणं विसज्जिया / अहं तु एगागी चेव गंतूणं समायारं निवेइस्सामि तया राया साहिस्सइ-'बीओ कहिं गओ ?' त्ति पुढे किं उत्तरं दाहिस्सं ? / जहत्थकहणे उ न नज्जइ किं होहिइ ? / अओ एगागिणो गमणं न जुत्तं, अओ एवं घेत्तूणं गच्छामि" त्ति संपहारित्ता उच्चपएसे ठाऊणं महया सद्देण आहवणं कयं / पढमेण वि सुणियं / तेण वि दव्वविमूढेण उ8 ठाऊणं हत्थाभियणपुव्वयं महया सद्देण पडिवयणं वुत्तं-'तुम चिय गच्छसु गच्छसु, अहं तु पिट्ठओ आगच्छिस्सामि' इअ सोच्चा पुणो बीएणं आहवणं कयं, तह वि पढमेण पुव्वव्व उत्तरं दिण्णं, एवं बहुवारं आहविओ वि न गओ / तया बीयस्स मणंसि संका जाया-'जं मए बहूहिं पयारेहिं आहविओ वि कहं न आगच्छेइ ? किं पि कारणं एत्थ होहिइ, अओ अहं तहिं गंतूणं पासेमि' इअ वियारिऊणं मग्गाओ निव्वट्टित्ता पढमसंमुहं चलिओ / ____ अह पढमेण तं आगच्छंतं दट्टणं पोक्कारो कओ-'तुमं जाहि जाहि, अहं तु पिट्ठओ आगच्छामि, मुहा कालविलंबं किं कुणेसि ? इच्छेवं वुत्तो वि ससंको तहिं आगओ, सुवण्णमई सिलं च दट्टणं दट्टणं सविम्हयं सिरं कंपमाणो वएइ-भायर ! णायं मए तव कुडिलत्तणं, मं वंचसि, 'जं एवं अरण्णत्थियं सुवण्णं एगागी चेव अहं गिण्हिस्सं' / इमं अपरिमियदव्वं एगागिणो भवओ कहं पइस्सई? 'अम्हे दोण्णि विभागं काऊणं गिहिस्सामो' / तइया अवरेण वुत्तं-'तुव इहयं भागो नत्थि, एयं सव्वं ममेच्चयं, अहमेव गिहिस्सं' / मए उ पढममेव तुमं पइ वुत्तं आसी-'भायर ! आगच्छेउ, तत्थ गंतूण दीसइ किं उत्तेइयं वत्यु' ? तया तुमए वुत्तं-'तुम चिय गच्छसु, तुव पुव्वपुरिसेहिं ठवियस्स वत्थुस्स पोट्टयं बंधिऊणं गिहं आगंतव्वं, मम भागो न अप्पणिज्जो' इअ वोत्तूणं अग्गओ चलिओ, एण्हिं पुणो विभागं मग्गमाणो नियवयणं न सुमरेसि ? अहं तु साहसं काऊणं एत्थ समागओ, मम पुण्णुदएण मए लद्धं, तुव एत्थ किं लग्गइ ?, जहागओ तहा गच्छसु तुं सघरंमि / / इमत्तो कवद्दियामुल्लमेत्तंपि न दाहं, मुहा किं ठिओ सि? अवसरसु इओ पएसाओ, तुव मम य मित्तत्तणं न चिट्ठिस्सइ' इञ्चेवं तव्वयणाई सोच्चा लोहाहिभूओ अमरिसपुव्वयं वयासी-“भो मुरुक्खसेहर ! कहं मम भागो न लग्गइ ? जओ तुं अहं च रायसेवगा, रण्णा य एगकज्जकरणटुं चिय पेसिया, तहिं गच्छंताणं लाहो हाणी वा सुहं दुहं वा उप्पज्जेज्जा तं अम्हाणं दुण्डं गेझं सहणीअं च / अह एगेणेव एग कज्जंमि निद्दिढे सेवगेहिं जं लब्भइ तं सव्वं विभइत्ता गिण्हिज्जइ इच्छेवं रायनीई किं तुमए वीसरिया ?, अओ हं इमं तुव मत्थयंमि हत्थद्धं दाऊणं गिहिस्सं, कीए निदाए सुत्तो सि ?, किं इमं जगं माणुसरहियं जायं, जेण तुव वुत्तं होहिइ ? जइ इमं धणं विभइऊणं दाहिसि तया दुण्डं पीई उत्तमा अयला ठाहिइ, अण्णह उ 'ताणंमि असमत्थो विक्खरणंमि उ समत्थो' त्ति नाएण रण्णो अग्गंमि निवेइऊणं पुव्वसंचिय-दव्वाइसहियं चेव तुमं गिण्हाविस्सं कारागारम्मि य पाडिस्सामि / अओ अद्धं विभइऊणं मज्झ देहि" त्ति तस्स वयणं सोच्चा अवरेण चिंतियं-'नूणं अदिज्जमाणे धणे एसो उवाहिं कुणिहिइ च्चिय। ___एयं च अपरिमियं धणं मए लद्धं कहं इमस्स दाउं तीरिज्जई ? अओ एयं हणेमि, तइया ममञ्चिय इमं धणं होही, न को वि अवरो वियाणिस्सइ' / रण्णा पुढे उत्तरं दाहं-'मग्गंमि आगच्छंताणं अरण्णाओ सहसा वग्यो 1. पक्ष्यति / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |