________________ संजमविराहणपसंगे देहविसज्जणं अणुण्णायं इह मुणिवरदुगस्स कहा-१०५ 143 परियणेण पण्णविया तइया तस्स उवरोहेणं समत्थकिच्चेसुं पवट्ठति / अह अण्णंमि अवसरंमि तेहिं दमघोससूरिणो पासंमि संसारुच्छेयकरो सव्वन्नणो धम्मो निसुणिओ, तओ ते मञ्चु-रोग-दोगच्च-सोगजर-पमुहदुक्ख-पडिहत्थं' संसारं असारं निच्छिऊण संजायवेरग्गा ते दोवि गुरुपुरओ भालयलधरियकरकमला भणेइरे-भयवं ! तुम्हे समीवे पव्वजं अम्हे गिहिमो / ___ अह गुरुणा सुत्तुवओगमुणियतब्भावविग्घलेसेणं भणियं-'महाणुभावा ! तुम्हाणं पव्वज्जा उचिया, नवरं इत्थीपञ्चइओ तुम्हं सुदूरं उवसग्गो भावी, जइ तुम्हे जीवाऽवगमेऽवि तं सम्मं निप्पकंपा सहेह तइया सज्जो पडिवज्जेह मोक्खकए य उज्जमेह / इयरहा किरिया आरूढवडियाणं पिव हासट्ठाणं' / तेहिं भणियं-'भयवं ! जइ अम्हं जीवयव्वपडिबंधो मणागं पि होज्जा तया न विरइगहणमइं कुणेज्जा, ता भववासुव्विग्गाणं तुज्झ पयपउमजुयललग्गाणं 1. भरितम् / /
